母親節快樂の女王的跌筆...

第６年過母親節，anson送給我兩個驚喜；



第一個是早上賴床時跟我說：『我諗住煮早餐比你食呀同爸巴！因為今日母親節丫嘛！』
不過，女人天生疑心大如汪洋大海，所以乘刷牙閒暇我要試探問：『呢個係咪爸巴叫你架？！』Anson反起他腫厚眼皮（前一晚3點先訓）說：『梗係唔係啦！我都未講比爸巴知！』XDDD，sorry，原諒阿媽是個簡單的港媽吧！ 
第二個驚喜是晚飯飽醉後攤在梳化眼望電視的我，目不轉晴（部電視）就開口使喚anson：『幫麻孖掉左枝牙籤佢～』
果然是公私分明乖仔一名丫！Anson轉頭就斜眼望麻孖答：『我唔會幫你掉架！母親節都唔係大哂架嘛！』古語不是只云一物治一物的嗎？何以慈母就要被三物治？！明明想好母親節blog文主題用女王的誕生之類嘛…
祝大家母親節快樂～
小雨點點滴＊ 母親節爸巴識做都好緊要架其實！＊ Anson都教躉講左句"無針摺快6"比我同婆婆＊ 母子裝係anson夾硬要我著的，真冤氣！＊ 好後悔星期5 download左堆新game比anson，一打機就忘哂形，什麼幫手煮幫手洗碗都唔願做，整啫喱都要人發火先去整
＊ 仲要多謝童軍，唔係我就無卡收啦！