韓國首爾8手8腳親子旅遊D1の清溪川．魚形pizza toast．弘大hong kong banjum 0410 糖醋肉

回到現代之後，八個團友就感到身體有點不適，肚皮隱隱怪叫，所以決定先去找些吃醫醫肚。
公社樓下就是首爾景點之一清溪川，大家見到有小河有瀑布都不禁停下腳步，稍事欣賞～

慈母只看過網上資料，知道清溪川是一條人工河流，全長5.8公里，但究竟5.8公里有幾遠就不太清楚，慈母是方向和數字呆滯族；

於是我們就挑了往瀑布方向的一邊走，看完瀑布繞上道回頭便可以落地鐵站，就當作到此一遊；

聽說清溪川夜景更美，配合首爾鬧市夜景和涼風吹送，會別有一番滋味，希望有機會嘗試～ 

走上道時見到士多的團友突然覺得好口渴，於是大家各挑新奇飲料試試；有得揀細路當然不會放過大大杯的雪糕，味道ok啦，同香港阿BALL羅差不多～

聽到阿躉在叫救命（要食），阿歌都好大方同弟底sharing，又有不斷向我和家丁請吃～

而我就揀了呢個有大大隻『男』未的茶類飲品（襯我）；竟然有淡淡的咖啡味道，好解渴！

阿躉剛訓醒，舔了兩口雪糕就當然要灌奶啦！

第2個行程打算去弘大，由鐘閣到弘大也是好簡單坐地鐵2號線便可直達，臨上地面見到呢間小店，賣pizza toast的，眾人又流到一地口水，於是我們又停下來試食。

所謂pizza toast其實就是兩片麵包夾餡料後烘烤而成，因為烤板有魚形壓花，所以每片toast都有一條胖嘟嘟的肥魚logo，非常吸引；

我們點了一個potato salad一個crab meat的，剛烘好的肥魚新鮮滾熱辣，躉一路咬一路叫：『熱熱…熱熱…』但又一直不包不離手。

吃罷便行動上地面，在街角，我們被呢個紅色招牌磁了過去~~見到logo的hongkong字樣本來慈母想喝停大家的，不過餓鬼兵團已經啟動殺食裝置，後來先知原來我錯了。

呢間餐廳在地庫，要吃首先要走一條又長又直的樓梯，呢次到阿歌小休中，為飽口福家丁和公公要先賣力抬轎下山；餐廳唔算好大間，屬特式小店，受情侶仔學生歌歡迎的格調，牆上掛著十多款食物牌，不過全部只有韓文，一輪體語溝通後侍應姐姐給我們遞上一個類似廚師推介的餐牌；餐牌只有5款食物，除了其中一款飯之外我們都點齊，忘記影低餐牌，所以都忘了菜名；不過慈母在網上找到其他blogger的推介文，補回不少資料。
呢兩款湯麵和炒麵味道好近似，炒麵叫海鮮炒碼麵（w5500），湯麵叫炒碼麵（w4000）；分別就是一個放湯無海鮮一個乾炒加海鮮而已XD，帶辣的，麵質和味道都很韓式，即是有甜有酸又有辣～

餃子（w4000/份）是少辣的，新鮮煎好外脆內嫩，裡面有菜有肉有汁，躉吃不停～

呢個是糖醋肉（w9000細 / w15000大）（後尾經神母提點才知道個名），好食到不能，最讚的是那層透薄的炸皮，究竟師傅是如何做到煙韌香脆口感並重的呢？加上酸甜開胃的醬汁和伴菜，我們一條又一條就咁將全碟沽清～

後來才知道，原來韓國也很流行中國料理的，尤其出名的有炸醬麵（中式）和炒碼麵（港式），糖醋肉更加在韓劇會經常出現的『道具』，記得當日旁桌有位客人正在吃一碟滿是濃啡醬汁的拌麵，應該就是炸醬麵了，很可惜未有點到，為何廚師餐牌沒有推介呢？T.T 

最後值得一提的是，開動前不妨找找四周掛牆的呢條圍裙仔，原本慈母都無為意，後來怪見半間餐廳都是情侶裝才別有用心地監視了一會XD，其實食野彈汁人之常情啦！香港都有我D白色衫就唔駛次次壯烈犧牲～

hong kong banjum 0410홍콩반점0410香港飯店 （弘大店）電話：02-3141-0418 / 地址：서울시 마포구 서교동 358-32 2층 

離開餐廳見到一街商店，賣衫賣帽賣飾物賣鞋賣手袋，旁邊兩個妹隻眼和雙腳即時上爆電亮起turbo燈，心想大事不妙（！）會唔會有排都行唔到去下一站…？

（待續..）

小火點點燒
＊ 成班女人竟然剥哂鞋用河水浸腳，比我唾罵狠插，失禮人呀大佬！＊ 行清溪川要留意石級之間的小隙和高低不平，慈母就賴左野成個撻低左，好彩無熟人＊ 阿躉都幾喜歡飲首爾奶，之後差不多日日都飲～＊ crab meat好味過potato salad好多！不過躉未食早餐幾乎成舊佢食哂！＊ 喺香港一定唔會擔擔抬抬，不過體諒6歲人仔坐完零晨機就破例一次～＊ HongKong呢餐Anson無口福，因為佢全程叉電狀況～＊ 好喜歡韓國所有餐廳都有涼菜無限供應，冰水任飲任斟，唔似香港咁孤寒乜都計到足～