韓國首爾8手8腳親子旅遊D1の免費韓服體驗（韓國觀光公社首爾總社．近清溪川）

如果要比較中國古裝和韓國古裝，慈母一定是揀做韓國『嫲嫲』，因為朝鮮娘娘看上去都比較溫柔嫻淑←重點

明明生於現代的慈母何來比較？因為我演過 XDDDDDD

食過暖湯，我們一行八人就坐一個站地鐵到鐘閣站，踏上韓國邸下和娘娘的變身之旅。因為變身都是女孩子由細到大夢寐以求的經歷，所以其實呢個行程主要是為兩個妹之設，但估不到當慈母問團友們意見時，最雀躍的竟然是婆婆XD；之前網上找尋有關免費韓服體驗的資料時，發現大多數去過<<明洞觀光公社>>的bloggers都會叮囑前往前要早到預約（包括神母溫馨提示），亦說預約後也免不了要等上個多小時等；

雖然知道呢間公社不是在熱點明洞，但見團友一路上不斷被清溪川美橋流水的畫面攝停，慈母唯有出皮鞭驅趕大家先到公社報名！
由地鐵出站怎樣走到觀光公社？我就是跟呢個blogger的資料→Shanny’s Note  

呢間公社地方寬敞，我們報名時前面大約有4、5個人，所以服務小姐說我們太約等20分鐘左右就可以了。

等候的時間看到有其他韓國文化體驗，不過大家興致缺缺。

見有咖啡自動販售機，公公忍不住用ｗ300買了一杯，港紙3蚊唔駛，又幾好飲播！

阿躉終於訓醒，飲啖果汁醒醒胃先！

服務小姐說我們八人要分兩批來，所以叫名時我讓公公婆婆和兩位妹妹先上～女孩子要在簾後變身，男士則在外面揀衫更衣；千里迢迢來變身換錯劈柴大叔裝就閉啦！所以慈母好多事一直插手幫公公揀衫，確定是『皇』的服裝才安心讓公公著上身；一著上龍袍，公公回復真身→劉蟲人XD 

唔通公公飲咖啡都會面紅？

『嫲嫲』和公主都搞掂啦～

幫公公影呢張相時慈母差點將啲湯飯噴出來XD　

公社的韓服都好新淨，質地滑不留手，地方舒服整潔，小姐服務有禮貌又有耐性，想不到免費體驗也能如此美好！


之後就到我們～
因為我的三粒家丁都是男兒身，所以慈母可以獨享更衣房；好可惜我翻箱倒篋都找不到韓國家丁服，香港家丁逃過一劫XD升左職做皇的家丁突然上身，嚇得阿妹花容失色XD

講笑啦！實情是慈母火速換好娘娘裝後就插手幫三個家丁揀衫，慌死他們會著錯草民服扮太子；看到呢張相入面的家丁突然覺得好陌生，因為少左副眼鏡～～

本來服務姐姐要我戴一個類似頭cool的頭飾，但當日慈母頭髮無整理過all back實穿崩，所以我要求換成呢頂帽型的頭飾～

原本躉最先換好，不過袖有點太長要摺上摺，後來服務阿猪媽搵到件好野就好緊張要幫躉更衣；

幾個阿猪媽上下其手，阿躉又乖乖任由擺佈，呢件個袖就岩岩好了～
最後成為全場焦點~~~太可愛啦～～～～～

阿歌的我也有問過服務姐姐點解會有粉紅色，還重申我呢個係仔泥XD；

不過服務姐姐說呢套已經係男孩裝～好彩anson易話為照影OK

因為阿躉的可愛，整個公社突然變得鬧哄哄，所以國籍的阿猪媽都擁上來要簽名合照握手摸面（誇～），場面難分難解XD

全家福好可惜阿躉眨眼了，呢個故事教訓我們影呢種只此一次相都係要設定到連拍模式穩陣...

網上資料
韓服免費體驗◊時間：09:30~17:30◊地點：韓國觀光公社首爾總社地下1樓旅遊諮詢服務中心 ◊交通：地鐵1號線，於鐘閣站5號出口，經永豐文庫過馬路即可抵達韓國觀光公社大樓。或搭地鐵2號線，於乙支路口站2號出口，往清溪川方向走即可。 ◊體驗：免費體驗韓國傳統婚禮服和韓服(男生、女生、兒童) ◊電話：+82-2-729-9497~9(韓英日中) ◊備註：可用個人相機拍照，不另提供化妝服務，早到先預約，先到先排。

（待續...）

小火點點燒
＊ 服務小姐都說流利國語，唔駛驚要做體語啦！＊ 記得著無領衫，否則會穿崩＊ 細路如果有埋鞋仔就好了～＊ 換衫無時限但換好衫就每team得4分鐘，影相要把握時間！＊ 公社燈光好充足，閃燈都唔駛拎出來～ ＊ 講扮野，男人原來利害過女人好多～～～！！