第五個月

7月7日
今日去左照結構性超聲波, 已經睇到曬bb既手指,腳指, 尾龍骨, 眼耳口鼻.
有一張bb個鼻鼻同咀仔既close up, 真係同祥爸爸一模一樣...好攪笑!

 

  

跟住去sogo買左一個睡袋比bb, 好soft 好舒服, 係貴d不過有coupon, 所以都係超抵, 應該可以用到8-9個月大.

  
7月9日
今日第一次有人讓座比我.
呢個星期感覺個肚大左好多, 真係唔好話佢, 一話就即刻發功, 大比我睇!!哈哈

7月10日
有meme

7月14日
今日特地同祥爸爸去行花園街睇bb衫...講真從來未見過佢如此興奮地去翻車仔檔既衫仔, 可能係因為買比bb所以佢特別落力, 真係有d妒忌啦...呵呵
不過...我自己又何嘗唔係咁開心呢....
買左好多衫仔, 好型仔好得意! 做父母原來如此有趣!

 下個月再去睇下有咩新款先(^^)

7月16日
琴晚第一次真係FEEL到BB踢我, 祥爸爸放隻手係肚皮度都感覺到啦...哈哈
不過就連我訓覺都不停踢, 攪到我扎醒幾次...
宜家好眼訓呀....(-_-)ZZZZZZ

7月28'29日呢2日好唔開心, 聽到愈來愈多聲音話我肥左 (><)
同埋真係怕熱左好多, 個人又好大汗, 以前從來都唔出汗, 宜家我竟然會濕曬...
攪到我好尷尬......
仲有乳線激長既問題....令我連背心都著唔到......
嗚~~所以我心情真係好低落呀!!