韓國首爾8手8腳親子旅遊D1の上機＆到達民宿

韓國首爾之旅順利結束，除了埋門撻Q那一腳之外，呢躺旅行無100都應該有90分啦！
慈母從來講得出做得到，遊記債有拖無欠慢慢一定還得清XD，一切就由呢篇開始。

因為慈母是發起人的關係，而且今次的旅伴是公公婆婆阿妹等需要負全責的人，所以比起上兩次親子旅行，慈母實在毫無依賴空間，出遊準備必須百份之二百充足；上機時間、check-in時間要溫馨提示，行李清單發送（多得局長和maggie版本抄考），景點食點、每點地圖、交通步行tips、重要remarks篩選後把精華灌錄到行程表上列印出來，各點遊覽website先放到line投稿箱，下載其他首爾遊必備工具、apps、指南、coupon、tips（呢part要特別嗚謝神母和韓劇科一班同學仔），以上可能是常人自由行都做慣做熟的，但對慈母可謂千艱百鉅喔！根據之前兩次旅行的經驗，行李三天前開始pack比較聰明，因為有缺的可以翌日補貨←無錯這個道理我到第N次旅行才學會，哈～聽說韓國下午很火熱但早晚很涼爽，所以長短厚薄都帶齊，結果行李箱要靠慈母整個坐上去才能關上XD
以上300字純粹為表揚慈母的偉大，如果想直接看遊記應該由下面呢段開始↓（不過係咪已經睇完？！）XD 

我們是零晨機（00:30），當初選呢個時間是家丁覺得在飛機睡飽覺起來就可以落機直接去玩；
Check-in時空擋測試一下新玩具的手機remote功能，兩個阿妹即時封家姐做偶像『哇！好高科技呀家姐』XD

anson在Rayban Shop見到呢架賽車雙眼發光，自己問RB姐姐可唔可以影相留念；

呢架Trunki行李箱由anson三歲第一次旅行跟到今日依然完好無缺，不論一個用還是兩兄弟玩都好fun；

起飛啦！已經是第3次坐飛機的anson相當淡定，阿躉的第一次也表現不俗；家丁教仔大叫減耳壓；

不斷搞遙控當電話話要打比姐姐的躉； 

今次終於有小童飛機餐食，因為童餐派先，整個機槍頓時香氣四溢，我們不斷聽到隔離乘客的吞口水聲…

公公未到韓國先入韓油；

跟住細路就看自選卡通，幾鬼開心；

好快，anson和躉先後倒下；

其他團友都因為興奮而無法入睡，最後眼光光眼又乾乾地落機； 

落機後，去唱錢、去LG買WIFI盒仔，再到GS25便利店買T-money（=香港8達通）就跟著民宿確定單上的指示坐機場鐵路AREX到首爾站下車，再轉地鐵1號線到鐘路5街站下車，不過首爾站步行到地鐵1號線有相當長的距離，不過心情興奮的我們行得算輕鬆；

至於找路線找車站轉車落車等粗活，就是男人駛出真功夫（人肉指南針）的關鍵時候；

快叉時間；


到了韓國，公公就一身韓味，完全溶入韓氣當中；

鐘路5街站出口沒有電梯，所以又要男人出場；

出站向前走不到兩分鐘轉彎就是我們的民宿-Hotel Tong；Hotel Tong沒有電梯，今次有店家幫手抬行李上樓，一上樓就見到跟網站照片一樣的後花園，眾人開心不已；

因為未夠鐘取房，我們8人放低行李就直奔樓下找吃了～～～～

（待續…）

小火點點燒
＊ 我真係諗住訓覺架！所以無化妝無set頭，點知真係訓唔著！＊ 後來坐AREX就快叉左20分鐘，因為訓得好深層所以舊電都幾夠用～＊ Anson痴住兩個阿姨都唔跟爸爸媽媽＊ 躉就比婆婆霸住又跟唔到爸爸媽媽＊ 所以阿巴阿孖好得閒XD＊ 機場rate好低（126），我地只唱足夠買wi-fi和T-money的錢就算，反而首爾站行到地鐵1號線中間有間找換店高一點（131），所以真係要睇定D