韓國首爾8手8腳親子旅遊のGET READY AND 前言

對上一次的旅行是跟戰隊出戰台灣，那次阿躉靜雞雞跟隨我們出發（好彩有跟著一齊回來），那是我們第一次一家四口出國旅遊（羞）。
之後肚子愈來愈肥大走不動，生完躉後要坐月養身走不開，然後就要開始籌備anson的小學interview和大抽獎，去年本來差半隻腳就去了沖繩，但結果因為慈母轉工無假要緊急收彊…所以，今年點都要去旅行（握拳～）

韓國，我和家丁男未娶女未嫁時去過一次，有10年了吧？那躺旅行可以用貴、累、笨來形容，聖誕跟團團費超級昂貴，朝朝清晨morning call日日坐長途車超級累人，無相機的我們問人借最後跌爛賠錢收場超級笨，旅行非常難忘但回憶卻十分模糊，不過10年前我、家丁和韓國都未進化，所以被搵笨實屬正常～  

然而，聽聞泡菜國近10年已經相當容易相處，國民商家都會說簡單國語，景點交通餐牌又有中文字幕，周街花美男美女美食，於是過年時向公公婆婆提議旅行最後就決定一起出走韓國去，當時公公一句：«我地咁多人唔係話湊唔掂一粒躉呀？！！！»造就呢次自由行之旅，呢次也是我和公公婆婆第一次出埠呢！  

行程策劃由慈母出手，我的預備工作包括上網搜出一堆首爾附近的景點和食點，做了一些交通remarks和步行tips，約略估計了每點逗留時間，製作成一個summary，上機後才由大家決定第一天的行程。

今次韓國選擇的民暫
Hotel Tong (東大門店）

貪佢有小花園，大人可以出去抖抖氣傾下計！
唔知好唔好住呢？返泥報告！

準備去：
＊韓服體驗＊南山公園＊南山纜車+南山塔+TEDDY BEAR館＊南山谷韓屋村＊Onemount water park＊Onemount 溜冰場&滑雪場＊兒童大公園＊利川Termeden 溫泉水上樂園 ＊廣藏市場＊Trickeye特丽爱3D美术馆 ＊希望市場

準備食：
＊烤肉
＊海鮮窩
＊生章魚
＊甜品雪糕
＊炒年糕
＊醬蟹
＊雪濃湯
＊人參雞
＊石鍋拌飯
＊炸雞啤酒＊ISSAC早餐  

莫說細路，大人也未出發先興奮！


由於重拾blog致，回來我會努力寫遊記，雖然未知內容好嬲多還是好笑多XD

小雨點點滴＊    anson早兩日跟我說：媽咪我決定去旅行前都唔再買野啦，有咩留返去韓國先買啦！＊    要記得訂兒童飛機餐！＊    零晨機出發晚機返，玩足5日，傻的嗎？＊　 anson無幫過手執行李，兩晚都拖慢做功課進度，大怒！ ＊　 躉一路執行李一路搞搞震，見到頂cap帽就迫人戴話：可擰呀！可擰呀！．．仲唔比人除．．＊　 多謝比過泡菜料我既朋友仔，特別係神母瑪姬，大愛～～～