5日4夜首爾拋夫帶子頻撲玩雪之旅DAY3－味加本粥店 (미가본) 早餐> 首爾兒童大 公園雪兜場

第三日，前一晚已經聽到神母預告今日會氣溫大降至0度以下，於是早上將全喼的衣物都放上身，孩子們就變成一隻隻胖嘟嘟的企鵝XD

今早仍然是九時出門，大家都不敢遲到累街坊XD，飛橙姣（！）




今日的早餐點比較遠，在明洞，為了趕行程，企鵝團又越過高山越過谷，上地鐵後用一直只向前看的速度移動XDD
躉因為睡氣未過要人抱，做得人阿媽唯有頂硬上（感謝團友提供證據）；


到達味加本粥店，別養生粥的專門店，哇超多人的說，應該真是好好味吧？！


看到餐牌，本來想吃神母推介的鮑魚粥的，但一見到有牡蠣（蠔仔），即時轉呔~~
真的非常好味，粥底本身已經很香濃，加上啖啖蠔肉，我有點不想跟阿躉分吃；

躉吃了四個豉油碟的份量，今次他有好好吃的，不知是因為跟神母同枱不敢放肆，還是粥仔真係咁好味XDDD

Anson第一眼就選了蟹粥，呢個仔真係好識食！
最後他一個人便K.O.了一整碗粥，應該也很合口味～



點菜前一直在裝睡的他…

一路食粥我其實有一直想起在港的家丁，粥皇一定會喜歡食，下次去韓國帶你來呀吓！

食飽身暖就動身離開，大隊本來往地鐵方向移動，然後突然走進一間東甩店；
團友買吃，ANSON又當起歡樂先生哄女孩子開心～
到了DAY 3，是好明顯看到ANSON跟女孩子們完全混熟了；


買完又繼續上路，躉見到韓國警車就著迷了要拍照留念，哥歌見到火車擺設想引弟底拍照最後成了主角XD；


呢日的行程是去兒童大公園，正當大家都以為慈母去過想依靠我找正確地鐵出口時，我就發現自己突然失憶XD
我只記得，車站出口有好多大壁畫，然而壁畫好似都被換掉了，所以本人就認不出路了…….

然後我看到呢兩隻野….我認得啦！！！


就在出站之際，大家就到便利店補水和糖果，誰知就在便利店門口發現火！車！扭！蛋！機！
哇！！開心屎阿媽！開心屎阿仔！
支票兌現，兩粒扭蛋承惠2000WON，超抵！早知扭哂佢！


入到公園，慈母今次好好記性地記得入口隔壁有information center可以取地圖，就一枝箭飊過去；


取經後一面行一面研究地圖就發現另一個入口，anson說想入去探險；
米爸就帶頭陪anson進去了;
雖然樹葉凋零，但這是香港看不到的景致，大家都興奮無比；
影呀～～～～～



男孩子的惡作劇XD


影飽繼續出發尋找雪兜；可惜就連地圖無寫雪兜位置…天呀唔係又收檔呀？
於是我和四少少9就做先頭步隊，先到另一邊疑似兜場的地方查看；
同一時間，我便用手機上親切的yahoo.com.hk查看各大forum留言，發現一句｢坐7號線兒童大公園站2號出口，就係公園前面，即係地圖1的位置，由1行去10，再向左面行！｣
又同一時間，四少在老遠點頭回覆，搵到啦！ 我地搵到啦！！！！

三個大人開心到中6合菜頭獎後跑去投注站登記領獎一樣跑回召集大隊飛奔到雪兜場～～

入場啦~~


到啦～～～～～～～～～～～～


好開心呀~~~


見到我們面上的笑容，就知道有幾滿足～～～～


除了雪兜，孩子們又堆雪舀雪，玩泥沙一樣；


睇下片啦～～

（四少笑到好似同緊自己個仔玩咁XD）
（同埋估唔到ANSON會問躉開唔開心，哥歌真係好，又想喊..）

中途休息，我們鑽進小食部充電取暖；


有湯麵有年糕有零食有熱飲；


食完，細路意猶未盡，我們又返回兜場最後作戰，然後依依不捨影完大合照離開。
(咦? 襯家99去左邊XDD)


大隊之後就｢想｣移動到動物園，不過中途被遊樂場攔途截刧，唯有獻出部分時間，都係果句，有朋友仔，去到邊玩咩都精彩～


💦小雨點點滴
❄一路行去食早餐真係抱到手斷…
❄我突然發現阿躉套衫加左條頸圍之後有D OVER…
❄然後我又發現自己件褸都錯錯地…XD
❄ANSON同班女仔咁岩KEY，慈母就流口水安樂哂~~~
❄好彩我地搵到個兜場，雪兜真係好岩呢班小朋友玩，應該係話好彩仲趕得切10歲前比佢地玩，因為我覺得再大D佢地就唔岩玩~
❄我估ANSON和躉應該可以玩足一日，喺雪兜場～
❄襯家睿因為扇到PK心情不佳，連帶襯家99都無得玩XD
❄玩兜時唔覺餓，但一入到小食部就餓到想食三碟飯，不過D野又幾好食確係，好食到無咩影相！
❄菇兒假褲，就梗係咩都同人SHARE食，咁先食得多幾款！
❄冬天去兒大，玩雪兜其實都夠哂皮XDDD
❄最後要好多謝米爸，D雪兜相超令！