5日4夜首爾拋夫帶子頻撲玩雪之旅DAY2 - ISSAC早餐 > 汝矣島漢江公園

第二日早上，估唔到大家都準時起到身，精神奕奕地出門口，只是叫anson醒叫到有點火大...

今日終於team A,B,C齊人出發!

呢日早餐是飯長威迫推薦的ISSAC。

步行往早餐店路上，香港小孩躉發現楓葉呀，好開心話要帶回香港～～～

十五分鐘左右就到；

大隊抵達後，本來很清幽的中環早餐小舖變成旺角茶餐廳；

大人忙點餐的時候，細心的女孩子們就拿畫具出來寫生打發時間，正所謂「近豬者赤」，anson亦不其然地混入其中；

不過成日玩到忘我上菜都唔收拾，於是老虎乸又出場～

早餐沒有預期的特別，咪就係不同餡料配生菜蕃茄放進多士裡的三文治？

遞上餐牌給anson，他例牌點港童最喜歡ham and cheeze，躉就特別一點，要了shrimp mvp；

而飲品類孩子就好喜歡，士多啤梨果汁無加糖味道好健康清新，姣佬躉出場～

做得慈母都是吃菜頭菜尾，最後我吃了躉的蝦多士因為此人突然變調要吃哥歌的腿多；

吃完早餐的小孩就開始要相機想幫大人拍照。

食飽飽就分頭行動，神母&Friend有自家活動，而我們一班香港families亦按行程出發，行去地鐵站先！

其實只要有朋友仔，佢地就去邊都咁開心；

連無啦啦夾硬生多左個兒子的rice b family都笑開懷～～

其實我地住弘大，去到地鐵月台...慈母發現相機開始出現狀況...

該狀況依米爸解說，係個防震傻左不斷狂轉...

可能凍傻了...好唔開心...

不過算啦行程仍然要繼續，呢個時候，就唯有靠手機同埋隊友。

臨出地鐵是放水時間，孩子見到零食機就瘋狂，不過話時話韓國自動販賣機的小吃飲品都價格相宜，人有我有都無問題既...

躉就是慌屎自己無份眼仔含住兩泡眼淚哭叫慈母～～～～

｢我都無話唔買比你，等一陣好唔好？我得一對手咋。。。｣

首個行程是到汝矣島漢江公園玩溜冰和雪兜，很開心超期待的說！可惜從地鐵站鑽上來時只見到一片狼藉...

大隊地毯式搜索都找不到所謂的冰場和兜場...

後來得知原來因為前兩天一直下大雨，所有冰都溶化掉，冰場和兜場都撤走了...

當時大人細路都超失望的，只好帶著孩子離開，一向樂天的慈母就沿途解釋｢天意弄人｣和｢意料之外｣呢兩個人生道理；

最後就用｢聽日一定會好天既，希望在明天丫嘛｣來結尾～

找路時，一面行一面拍照，其實都好開心的；

前一晚躉雖然應該唔夠訓但就電量爆燈，於是他就四處破壞人家的即興照；

又騷擾人家大好的甜蜜蜜家庭照；

由躉帶動，孩子們更一齊出動；

於是照片就變成了人口大混雜；

不過一個家庭，其實細路愈多愈幸福架！四少努力呀！

anson就跟米爸學影相，大墮後到無雷公咁遠～

不過構圖又確是大有進步的；

本來打算玩一天的行程兩小時就完成了，由於天氣不穩，我們的後著就是把第二日的室內行程掉到今天去；

下一站就是 Figure Museum和 Line Café！

💦小雨點點滴

❄️我起碼叫左十次哥歌先肯離開被竇

❄️朝早排廁所都幾順利

❄️第一日仲有時間用新變髮神器整頭

❄️漢江好舒服好想做韓國人

❄️問路時我第二次講韓文添呀！口圭口合口合！！

❄️anson好似又好有興趣影相，搞到我無得影！

❄️躉真係癲左咁，笑屎