5日4夜首爾拋夫帶子頻撲玩雪之旅DAY1上機落機 > 下塌民宿 > 烤肉DINNER

相片整理得七七八八，所以亦可以開始寫下今次頻撲之旅的點滴XD
話說大半年前，韓谷友人落實結伴返鄉，家丁因為現在周身唔得閒早有慫恿慈母帶子出遊，經過一番引蛇出洞後，Power Rangers終於落疊XDD，有朋友照顧妻女的家丁非常放心，於是我們得以同行～

旅行裝備買完又買﹑行程會議開完又開之後，終於得出以下行程：

2/11 – TEAM A, B出發
2/12 – TEAM C(即係我果TEAM) 出發 > 上機落機 > 下塌民宿 > 烤肉DINNER
2/13 – ISSAC早餐 > 汝矣島漢江公園 > Line Café > Figure Museum > 牛湯窩DINNER
2/14 – 味加本粥店 (미가본) 早餐> 首爾兒童大公園 >大瓦房 (醬蟹) Dinner> 炸雞宵夜
2/15 – 簡便早餐 > 大明滑雪場 > 辛普森湯 (部隊鍋) dinner> 弘大偷走閃行
2/16 – 廣藏市場 >齊齊上機落機返HK

其實本來行程並非如此，但有細路既地方就有意料之外的事，所以好多原定行程都遭臨時修正，喺呢度要特別鳴謝神母大人大人有大諒細心遷就+萬般體諒我地呢班仔細老婆嫩既團友；
事不宜遲，現在就由機場出發～～

出發那天爸巴陪食早餐後更送我們到機場，三母子異常高興，雖然之前哥歌還口口聲聲想坐機場快線，後來被爸爸誘導：「五月去沖繩先同我一齊搭啦！」，說到底，未有團友在身邊的慈母令佢唔放心；

新置旅行裝備（一）太陽眼鏡XD

明明前一分鐘還笑到天花亂墜的ANSON，架上黑超後對鏡頭表示｢無可奉告｣的cool魔狀；


到達後先跟TEAM C團友集合，rice B family因為要醫肚先行入閘，我和襯家99施施然過關入閘然後買蛇川末備用；


後來到了登機閘口，TEAM C團友齊集隨即在人家候機室拉喼龍；


呢個砰嘭哇，哄得小新泡睿睿相當HAPPY XDD


上機前留影;
話說當時ANSON非常抗拒影合照，雖然明白拍照又悶又沉，但好歹這也是回憶呀！所以最後經慈母三吋不爛之舌遊說成功，咁咪幾好～～


快D啦！！！上飛機啦！！！！！


上到機跟家丁發照片報平安，之後就安安樂樂享用親切的韓亞機倉服務；
慈母非常醒目地預訂了兒童餐，食物玩具都好合兩位少爺心意，哥歌還白飯任裝一樣，鯨吞了一個兒童餐外加兩個靚仔（白飯）


而慈母亦符碌撞棍點了呢個韓式拌飯，話說當時我根本聽不懂韓藉空姐姐姐的那句｢班翻｣。。。
加入整枝辣椒醬後非常好味～


機上還有BTOB聽，果然是大勢國際偶像XDDD（韓航有得聽有幾奇？）


填入境紙時躉見慈母叫哥哥簽名佢又要簽一份XD
哥哥簽名仲幾有格，不過為表尊重慈母就不公開啦～

落機了，入境大堂如難民搶灘一樣；(謝襯家99提供照片)


正在排隊放閘之際，躉少突然說急VV；
慈母只好夾實他以暫緩尿急之感，求神拜佛在他爆缸之前成功過關；
更跟阿哥說定步署 1)合作過關 2)媽媽會比哂D衫呀褸同行李你，記得看實 3)企定咪走開等米爸泥幫拖~
於是哥哥就乖乖地原地不動，等候救援XD
(謝RICE B FAMILY提供照片)


順利VV﹑提取行李後，大隊就進入機場大堂，然後要做的事就是找便利店買韓國八達通、增值、買口立濕塞住細路把口、手機卡試用、試用失敗後又要找租蛋櫃位、查詢、申請、取蛋、嘻嘻哈哈....以最快速度都搞了一小時才成功登上機鐵XD（神母莫打頭）

米b帶的玩具非常好玩，令四十分鐘車程很充實，例如從烚熟躉、長腿米b、訓箱哥歌和倒地睿睿就可見一斑。

落車啦，兩隻老鼠一直默默拉著兩隻龜，成條街的韓國國民都為之而側目。

由於有襯家99做足功課，我們很輕易就找對方向，推著行李走了數個街口，就到民宿了！wohooooooo！！！

進入我們的三個家庭房，哇！細路超開心的大肆跳彈；

不過又話說因為我們的孩子太興奮，孩子的父母又唔聽書扭錯門鎖害警告鐘誤鳴，我們得到民宿老闆不斷擰頭的無聲抗議...

（喂落返泥丫！）

民宿四正乾淨，除了幾乎無隔音和沖涼水不穩定外，尚算合格。

放底笨重行李，就到外找吃；

本來跟神母去食哈哈燒肉的行程因為我們的阿芝阿佐而誤點，所以Team C呢晚就轉到民宿附近的烤肉店醫肚；

因為慈母是辣媽，所以kimchi又好、辣湯又好都很合口味，不過烤肉店除了烤肉外無其他選擇，細路就唯有用燒肉汁十肉碎撈飯，而anson又大食積上身，今次他用燒菇鯨吞三碗白飯，好可怕..

阿豬媽幫忙拍的合照；

我發現自己真的很適合做韓國人，韓國野真係好好味XDD

又到米b玩具出場的時候，今次是一副類似六合彩攪珠的玩具；

只見米媽夾屎烏蠅地提點跌完又跌的數字珠，細路又無視繼續拆解3650粒派彩小球（誇），畫面相當有趣XDD

食完飯，返歸、會合AB團友吹水、整理行李，執捨翌日用品、排隊沖涼更衣、小虎造型製作後，大家就覺覺豬，為第二日的豐富旅程準備...不過，搞掂哂都兩點，第二日聽聞9點出發...

Day1, 哥歌有貼身監控弟底，大手牽小手一直走，anson呢日表現有一百二十分！

待續...

💦小雨點點滴

❄️韓國真係好凍！呢日聽講仲未係最凍！

❄️喺飛機anson就一直提點慈母「唔好跌左你電話呀吓！」又呼喝弟底：「坐好aidan，aidan唔好搞啲掣！」相當盡責XD

❄️啲細路真係殊極都無反應架喎！

❄️床位分配是：anson、mavis各自訓上格，我和躉&koko文叔各自大下格、襯家老kim細單人，鬼叫新泡仔話同mavis孖舖又粒水，迫啲啦註定⋯XDDD

❄️食完飯發現附近有另一間仲平仲抵食既烤肉店呀⋯⋯豬-.-

❄️之後大人四隻仲出去閒逛發現便利店和甜品店，話過兩日要試，又狂影相無謂相XD

❄️被迫（扮）同送雞oppa合照的99真係愈老愈可愛XDDDDD

❄️我有同送雞oppa吹韓水呀對答如流：

「你地邊度泥？」

「香港」

「家族旅行？」

「係呀」

「好凍呀」-我話

跟住佢話今日未算好凍過兩日仲凍（我估）

❄️99介紹既小虎紋眉筆真係幾正！