無王管活動。幼童軍綠野遊鶴藪遠足訓練

上星期日，anson放棄侍奉母后皇弟，跟好兄弟eason齊齊上山特訓。

暑假過後孖臣「升職」，由幼童軍搖身升級成為小童軍，title聽落沒兩樣（所以慈母成日搞錯），但內裡活動卻大不同，簡直可以說是帥氣的男人之練成班。

根據Carol miss 早前解說，隊員都要分工拿食物和工具上山，還有用指南針和地圖找方向等；

Anson說他和eason不同組，而他就被發配拿食物（罐頭回鍋肉和午餐肉），行山路時沒有覺得辛苦，後來愈來愈斜就有少少吃力。

當晚晚飯即席獨家採訪；

記（例牌問）：「點呀好唔好玩？」

A（少有認真答）:「好呀勁好玩！我地上山，個山勁高，上到去就睇哂成個香港，從來未見過咁靚既風景架！」

記：「之後呢？」

A:「跟住就整野食，我無幫手煮野呀！但食完全組啲碗我一個人洗哂，隊長話我都好幫到手。」

記：「咁有無啲咩趣事發生呀？」

A:「hm...上山果時條路好斜，隊長唔夠力行就扯住我個背囊囉，咁我就比佢扯到上去咁.....」

記（愈問愈開心）：「女隊長泥架？」

A（愈講愈細聲）:「係呀。」

記（心諗）「哇果然十個趣呀喂！！」

此話一出，慈母已經自動關耳，然後整個投進幻想的大海，上山後...然後...再然後...

回過神來已經是今晚，做人要有體育精神當然要補問：

記（擺明陷阱mode）：「比人扯住咪好辛苦點行呀？

A:「佢無啦啦行行下吼一聲大嗌拉住我書包，我咪博命跑扯佢上山，無計格，豈呀唔通掉低佢一個人唔理咩～～～～～～」

這陷阱這陷阱這陷阱偏我遇上～

以上文字描述真確無誤，總括慈母覺得活動相當有意義，下次一定再報名！

為大家送上訪問花緒；

*第一個點先到達公廁、到第三個地點食罐頭》記者聽左第三個點食公廁XD

*end point煮飯》記者聽左0靚坤煮飯

激到anson屎屎下XD

呢日是eason正日生日，anson說有在旅遊巴上祝eason生日快樂；

仲以為佢唔記得添！

*圖片由契媽提供

回來後anson棚棚聲就完成一版半的週記，通順又精彩，得到批文後再補圖！