其實已經來到在沖繩的最後一天，而手上只剩下兩個壓軸行程：滑梯公園和ROUND ONE，一個戶外一個室內，所以前一天慈母已早有計劃，要是早上沒有下雨就直接衝到滑梯公園，下午才去ROUND ONE；若然一早下大雨就先到ROUND ONE，但如果不幸落足一天的話就全日留守ROUND ONE作罷，忍痛放棄滑梯公園明年再聚~
執拾行裝後出發，先去取車，嚇見收費機顯示租車費竟然要3100YEN，說好的最大料金500YEN呢？吓？
話說呢間民宿無CAR PARK，所以前一晚回民宿後就將車泊到附近的自助停車場，當時還要頂著滂沱大雨在收費機前研究如何取車票，又不懂開動自動鎖車桿，四人十分徬徨無助…
後來終於等到鎖車桿升起來，就放下心頭大石回家去；
如今生米已煮成熟飯，唯有乖乖獻金贖車，遠離傷心地。
民宿沒有早餐提供，時間緊迫（驚落雨呀！）我們又路上找吃；
找到一間快餐店只售飯盒的店，研究了一會點了兩個兒童便當和一盒炸雞，相當飽肚的早餐～
個飯團幾好味～
公園離民宿10分鐘的車程，停車場和公園入口都很顯眼；
海軍壕公園是沖繩四大出名的滑梯公園之一，滑梯以滾輪式設計，由山頂一直滑到山腳，谷友說孩子們玩半天都不夠喉；
一開始就急不及待的哥歌，直接跳入去試滑了；
ANSON玩完第一次的comment是：｢都唔快既？！｣的確中段anson要手動推行才能繼續前進；
正所謂工欲善其事，呢一刻家丁正可發揮其功用 > 搵紙皮～
轉眼他就帶來了一個大鞋盒，anson再次試玩，快多了！然後慈母慈父也上場了~
第一個結論是黃色短滑梯比藍色長滑梯更順，但都不能說快。。
第二個結論是大人有重量會比小人快好多；
第三個結論是對於我們來說呢度不能消磨半天的時間，頭尾一小時，兩兄弟就說夠皮了~~
PS：在外國巧遇舊鄰居豬哲FAMILY，整張當年今日先~
PPS：大鞋盒的屍骸XD
海軍壕公園
地址：沖縄県豊見城市字豊見城236番地
電話：098-850-4055
map code: 33 036 694
時間尚早，我們決定去一轉海軍壕隔壁的奧武山公園，只需8分鐘車程；
因為是剛剛才翻新過的，滑梯改成平板式設計，所以不需要紙皮輔助；
因為有沙力推進，速度超快超好玩！
有呢個有蓋滑梯隧道做背景影片效果超然~~
快到………慈母一個不小心從梯尾飛出去整人仆落沙地然後跪在一位台灣男遊客面前（有片為證呀~）；
真係樣衰到不行…
滑梯後面是一個巨形烏籠攀爬架；
慈母好想入去唱返首：金絲雀～金絲雀～金色美麗似鳳～不憂吃呀～不憂喝啊！XDD
呢個烏籠完全滿足了ANSON的攀爬慾望
而且是平日天氣又不穩，我們一家四口幾乎是包場住玩~
奧武山公園
沖縄県那覇市奥武山町52(電話:098-858-2700)
地址 :沖縄県那覇市奥武山町52
電話:電話:098-858-2700 map code:33 096 813
玩完剛好LUNCH TIME，地點是家丁好期待的海鮮市場~~
（待續…）
💦小雨點點滴
❄️其實每日都係我最早起身，執好哂野換埋衫先叫3個大少起身
^無計啦呢D野最好都係親力親為，執漏左我會發癲…
^同埋我出門前搞自己時間係比佢地耐好多..早起可以慢慢整心情會好D
^佢地起身15分鐘就行得架啦超誇張
^最重要係比佢地訓晏D啦…去旅行呀又唔係返工!
❄️雖然民宿無CAR PARK但D網民話附近好多所以落疊了…下次唔敢…
^訂民宿其實唔駛計細路人頭啦乜咁豬呀我!
^又無早餐…計計埋埋貴過住酒店…
^好嬲…
^後來上網查證，估計係我地泊車已超過12小時，所以失去最大料金優惠，車場費以原價計算…
資料如下:
^經驗啦…
❄️買早餐時雞同鴨講左好耐。。。好彩後來廚房有個外藉傭工幫手翻譯
❄️其實我做足哂功課MARK哂公園停埋場入口位
❄️家丁話玩果一次半次唔買滑梯板
❄️個鞋盒大到可以100%裝哂我個PATPAT XDD
❄️海軍壕公園臨走時有少少雨，但上到車又無雨啦所以先去得成奧武山公園~
❄️奧武山公園停車場是Y型的，但最近公園的停車場位置是正正捧球館後方
❄️個滕頭哥瘀左成星期呀!
❄️要影相既家長就無得玩..
^唔玩既個家長又唔影相…
^想點JACK?!
❄️屎啦開始唔記得D點滴啦…
❄️D片好多有畫無聲因為神棍插左HEADPHONE個窿佢收唔到聲
個滑梯真係超正。。見到你地玩得超HIGH XDD
回覆刪除泊車果度真係肉赤喎...
回覆刪除日本D公園真係好玩, 香港果D...