離開繩網公園本來打算直接回酒店，在酒店附近找吃或者直接嘆酒店燒肉BUFFET；
不過在車上慈母突然醒起回程路上好像會經過某間扭蛋壽司分店呀？！一查之下果然不出所料，而且距離當時只是10多分鐘車程，GOGOGO！！
而在沖繩親子谷又得知，呢間壽司十分火熱經常爆滿，要食非要等上一兩小時不可，所以有谷友就介紹了一個網上訂枱網站，還逐點教授如何登記操作，真是大感激；
慈母一早就在香港成功登記和做了一次預約演習，當時在車上用手機撩撥數下就完成；
所以話做足功課又聰明仲要漂亮的妻子真係好難得，家丁好幸福XDD
進店，因為時間太早所以只有寥寥數枱食客（根本唔駛訂枱好嗎？）
但本慈母仍然抓住前台小姐強迫她看我的預約確定XDD
坐底就開始勁食大賽，實在太肚餓啦~~~~~~
海膽和不知名魚壽司超級好味；
除了可在迴轉帶上的壽司取壽司外，食客可以在螢幕點餐；
然後所點的製成品就會失驚無神在迴轉帶上層的輸送帶上高速｢飛｣出來；
呢個設計好驚喜呀我們一家四口又依嘩鬼叫XDDD
食到成枱碟後，仍然未見樓上的扭蛋機跌蛋出來，有點不悅；
（網上參考圖片，因為慈母掛住食無影到相）
舉手問侍應小姐才知道原來要把吉碟投進呢個收碟口，螢幕才會有｢反應｣；
投進5個碟後，螢幕就出現一個打鬥場面，然後三仔爺就好像買了全副身家落場拳賽一樣大叫：｢打呀！贏佢呀！｣
結果頭兩輪都輸清光，我們唯有努力再儲賭本；
然後再接再厲，今次弟弟場交終於打羸左！獲得扭蛋乙個XD
食了數10碟只中了一次，所以慈母幾時都話不應沉迷賭博；
不過當玩下又幾開心既…
臨走前兩兄弟盡地一煲爸爸口袋裡的所有100YEN硬幣。
食飽飽就到隔離的超市買宵夜小食，回酒店去。
第二天早上就會CHECK OUT，所以今晚決定要早點回去玩酒店；
今晚的節目有游冰水、浸溫泉、蒲機舖和食宵夜；
家丁要求帶同兩個兒子一齊男人的浪漫，所以我就爽YY地去浸女人池。
是晚ANSON夾公仔大有收鑊！！！！！！！！！！！！！
食埋宵夜覺覺豬了~~
無添「くら寿司」店舖一覽
http://www.kura-corpo.co.jp/store/list/Store.prefecture_id:47
BOOK位website > http://epark.jp/>>選 "沖繩縣">> Search: くら寿司 > 第一個搜尋結果就是了>> Click: 日時指定受付>> Click: 明日以降>> Choose: 確認2位或以上 >> Click 確認 >> 最後就自己選時間 >> 去到有你張"籌"的版面>> CAP 圖
💦小雨點點滴
＊諗住如果好多人等位，然後我地喺人群中拎出訂台令牌，係一件幾咁威水既事…點知無人…認唔到叻呀唔制呀!!!!＊因為要儲彈藥練仙躉都食好多XDDDDDDDDD
＊好肚餓+好平+好好味所以食得好快，又其實食物與相片不符（實物比MENU令好多！），所以唔知食左咩落肚XD
後來撞到香港鄰居傾返先知道果碟係雞泡魚生XDD
＊呢日掃超市好保守呀因為前晚買D野都未食哂…
＊酒店泳池D水好凍呀家丁都要著防曬衫保暖..
但ANSON同AIDAN有得玩就所向無敵..
＊AIDAN……..未落水前無啦啦話好急好急好急好急….然後就賴到一褲都係……..
附近無廁所呀（有都費事啦點搞呀？真係一褲都係呀無作大）
於是慈母就帶佢上房大清理（屎上只有媽媽敲～～有媽D high子散哥包。。。）
＊家丁話溫泉入面全部女人會教壞阿躉所以一拖二XDDD
露天風呂真係好正，望住出面既樹林，聽住雨聲~~
＊呢晚打機無相啦，相機係家丁死敵=.=
男神識夾公仔!!!
回覆刪除又多一項技能啦想點呀全世界D女比佢吸引哂啦!
躉嬴左特別招積XD
回覆刪除嘩。。anson 夾到公仔甘多隻公仔，好勁呀））））