前一晚收拾好行裝，早上再起來最後檢查後，就準備離開呢間酒店。
之前check in時聽說酒店共有兩間餐廳提供早餐，剛剛好呀住兩天可以每日一間；
可是後來才知道另一間只開到9時，算啦其實食物都一樣的啦！（葡萄中）
究竟呢兩日好唔好玩？慈母同兩位團友做了一個專訪XDD
話說食早餐時aidan一喧嘩，又唱歌又飛車（仔）又表演雜技（擒台凳），慈母家丁欲制止不果，很想把這隻擾民小孩丟進魚池餵魚；
不過隔離台的西人哥哥望住阿躉搭糖似的，對其港孩行為報以善良微笑，又用強勁臂彎幫阿躉執車XDD；
感謝途人包容~~
酒店check out超快的，放下門卡就是了，上車後第一個地點就是去坐海底船，google map 顯示只需4分鐘車程；
家丁一聽到就：｢哇乜咁快？！｣
轉眼就到了停車場，泊好車就行到售票處，買好票剛好趕得及上shuttle，還有旅客讓座；
坐shuttle也好興奮的小孩；
到達碼頭，吹了兩分鐘海風就有船，哇黑鯨超型好想坐！
可惜我們剛剛排到上白鯨號，好愁；
坐好就開船啦！船中間是一個透明的超大玻璃底，因為海水超級清澈海底真的可以一目了然，所以我們又哇哇叫；
在沖繩第三天終於見到陽光；
船一直往海中心開，我們不斷看到好多魚群，還有不同樣色的珊瑚~~
偶然駛過一個深不見底的大坑，慈母就會感嘆大海真的是一個高深莫測的地方（跌左落去點算？）；
旅程二十分鐘就完結。
下船後和展望塔拍了一張有陽光的全家福；
部瀨名海中公園海中展望塔・玻璃底船
地址: 〒905-0026 沖繩縣 名護市 喜瀨1744-1
WEBSITE: http://www.busena-marinepark.com/chinese_t/
由於不想等回程的shuttle，家丁就提議由碼頭行回去停車場，然後突然看到眼前一個水清沙幼的沙灘在向我們招手；
望著沙灘，四人眼睛一閃一閃的，哥哥即刻拉攏弟底說：｢麻孖我地想去沙灘呀！｣
即使慈母拿出｢滑梯公園｣作魚餌，兩條小魚仍然堅持要投進大海；
平易近人的慈母就說：｢那好吧~ ｣
因為今晚正要入往另一間民宿，所以所有沙灘裝備都齊備在行李箱內；
在更衣室快速換好泳衣，衝呀！！！！！！！！！！！！！
話說呢個沙灘只供酒店住客使用，所以非住客的我們一踏進沙上，就被灘主攔截並著我們放下銀兩；
一問之下位位2000 YEN大小同價，哇搶錢呀？！但看著那兩個整裝待發的小孩，唯有遞上鈔票；
有陽光真係好開心既…
水溫超凍，都說未食五月糭，落水特別凍~
陽光瞬間即逝，天色又開始陰起來，短短40分鐘的沙灘行結束，真係貴！
一上車就下雨了，然後路上雨愈下愈大，突然好慶幸剛才付了4000YEN，否則我們就會在車上白白錯過那半小時的沖繩陽光。
因為下大雨，滑梯公園被迫擱置，看完手上的雨天行程攻略後，決定出發菠蘿園。
(待續...)
💦小雨點點滴
＊開船後如果好專注望住玻璃底會暈船浪，所以望左陣都係望下船外海景，到海中心先好望海底～
＊我既功力影唔到玻璃底有幾好睇，但其實係幾好睇~~
＊其實坐白鯨先影到黑鯨啦錯有錯著又～
＊有個韓國爸爸幫老婆仔女影相，我主動上前幫佢地影全家福呀咁就換返張全家福，大家happy XD
＊人愈老愈怕屎呀所以中間見到深海有一陣驚慄感～
＊決定唔上展望塔因為覺得同水族館差唔多~~
＊前兩日凍屎就著短袖，呢日陽光普照就著長袖想點啫阿媽？！
＊喜瀬海灘係突然加插的行程~~
＊海灘入場費最後我們只付了大人的錢，anson我夾硬話佢係六歲以下！
＊好好彩呀我地一上車又落大雨啦！
＊海灘上面影果D即影即有爆哂光，得我3點色果張先要得, 原來要用晴天MODE
＊岩岩睇地圖先知喜瀬海灘去菠蘿園係向北行，但明明呢日要向南走，錯哂XDDD
嘩..個沙灘要比錢, 唔怪得冇人啦... 不過D水真係好清..好正.. 抵比啦..:P
回覆刪除