2016黑仔四5日4夜沖繩親子遊day2 - 本部元氣村

第二天早上，慈母最早起床，第一時間跑出露台想知道個天中唔中意我，但好明顯我唔算得人中意…




梳洗執行裝後就到樓下食早餐；
Anson吃了toast+omelet，之後自己自製了一杯yogurt做餐後甜品；
Aidan見到阿哥杯野就差遣慈母去整杯一模一樣的但食兩啖就話飽=.=；
兩隻還主動要求拍照留念；


慈母最威是啃了一小碟白飯，配幾款日式開胃醃菜一齊食，好味到忍不住一口接一口，早餐食飯的感覺幾好；


早餐後就出發到本次沖繩trip的重點行程 – 本部元氣村
到埗後在前台辦理預約確定後，我們就去更衣室換上水著；
然後獲得大會派發的救生衣一件；
由慈母示範（家丁被埋怨100次後終於肯揸機影相）


活動之前要先上認知課，日本導師以英語介紹基本海豚知識和注意事項；
阿哥聽得好專心，不時分享以前在書上讀過的海豚知識；而阿躉就聽得好開心，會repeat導師的說話，乖巧小孩形象把在場姨姨姐姐騙掉XD；


課後正式移動到海豚海域；
第一個項目是DOPHIN SCHOOL PLUS，跟instructor學習對海豚發指令；
呢日一直沒有陽光，而且天氣還很清涼，所以全家除了風褸傍身外，細路仲要著雨褸，因為外面確實好寒…


哇終於見到海豚啦！還冒上水跟我們微笑打招呼超可愛！


上dophin school時長一小時，我們跟海豚玩了一些遊戲；
海豚好乖也很聰明，同福仔一樣，聽話就是為了討吃XD，


Aidan話想食左海豚...想屎XD

之後就到ANSON獨自參加的swim with dophin，因為項目費用超級昂貴(HKD1200/person)，夫婦倆荷包的錢就只夠付anson一個人的學費；
因為當日天氣凍大會安排了潛水衣給anson，instructor還很殷勤親自為ANSON穿上（因為阿媽影緊相）；


之後又去上堂了；因為內容跟dophin school的差不多，於是有人不斷衝出去搶答XD；


上完堂就跟導師到附近水池接觸海星、海參、海龜等，還有學習此等生物的生活習慣之類；


一面聴，那個心急的港媽（即是本慈母）就開始擔心：｢佢會唔會搞錯以為我地係第d個course？｣
但回看anson身上的鯊魚衣又覺得自己太多疑；
不過心急的是我，anson和aidan並無異樣，一直投入其中；

繞了一大個圈，終於回到海豚海域；
之前聽聞和當場確定都說無錢交學費的大人就無法跟隨參加者進場，換句話說anson好大機會是行入去…行出來…完（無相無片無回憶呀大佬！）
所以臨行前慈母就把相機交到anson手中，千叮萬囑他要隨時港孩自拍，或者撒嬌令instructor幫忙照片之類XDDD；
後來臨開場被領到露天看台，才知道犧牲小我的家人還是有VIP企位供觀看和拍照，個心都定啲！
不過Anson還是好乖巧地拍了幾張和海豚的selfie，海豚好似真係走埋去笑咁又幾cute！


剛開始是跟dophin school差不多，先跟海豚一起玩遊戲；


好似kiss XDDD


仲記得阿媽 姓乜 （個鏡頭）的孝順仔XD


到了最後20分鐘左右，才是swim with dophin正式上演時間；
真正下水跟海豚接觸的anson肯定是心如鹿撞，所以初初見anson只敢輕觸擦身游過的海豚；


後來在instructor指導下，anson才開始與海豚有交流，能捉著海豚鰭飊出去，驟眼看anson好像真的成功跟海豚交朋友了。

慈母以為：中間d水非常深，但anson踩水踩得算幾穩定，都係第一次見好驚訝

99提醒：著住救生衣駛乜踩水呀？

係喎...............................................................................................

然後又移動到另一個海域，今次anson做海豚的玩具；
呢個項目可能當時人無大感覺，但我們在岸邊睇到哇哇叫。


最後就是跟兩隻海豚一齊飊水；


佢個口未合埋過XDD


Anson話：｢我呢世都唔會忘記！｣

風光影片背後其實有著無限辛酸，話說當日橫風橫雨，加上人在海邊份外寒，我們三人只能在VIP位擠在一起互相取暖，Aidan凍到要把整個下身塞進家丁的風衣裡，慈母雖然都好凍但因為內心燃燒著攝影師之火短打也不怕，不過我拍片無手結果家丁要一手抱仔一手擔遮，成為真正的遮風擋雨猛男XDD 辛苦哂！阿仔大個真係要孝順父母丫！



本部元氣村
Address: 〒905-0216 沖縄県国頭郡本部町字浜元410
Drive: 沖繩自動車道許田IC下，國道58號接國道449號，走縣道114號往本部方向約27km
MAPCODE-HR: 553 016 707*71
TEL: 0980-51-7878　受付時間8:00〜18:00
website: http://owf.jp/dolphin-program/

（待續）

💦小雨點點滴
＊元氣村項目一樣可以用白visa金做預約，dolphin school我出發前一個月已經約好，但swim with dolphin program只接受3天前預約，不過慈母個秘書非常有交帶幫我跟到足。
＊如果慈母無理解錯誤，元氣村既海豚區屬天然海洋範圍，海豚可以自由出入大海同園區，而且培育人員會按照海豚情緒調節項目內容，另外元氣村十分重視海豚保育和研究，所以感覺良好過喺op玩
＊開頭報名時想慳錢，dolphin school只報3人，跟住家丁話：咁我去泥做咩呀？吓？
＊特別鳴謝少9借出水機呀但其實用得唔多~
＊所以後來我叫ANSON咪再分心影相啦，專心玩啦!
＊真正跟海豚鴛鴦戲水的時間其實只有20分鐘，dolphin school和swim with dolphin有一部份重疊左，如果早知道，可能我會改變報名策略，比左錢梗係想試最新、玩到盡XD
＊不過開頭既小遊戲應該係for warm up，無理由一開始就掉個細路落水餵海豚，嚇屎佢地都似XDD
＊Anson話因為得佢一個玩swim with dolphin，所以阿sir比佢同兩條海豚游多個圈，平時無架喎..
＊swim with dophin需要身高125cm以上呀所以躉先無份咋!
＊中間有閃過一陣陽光，半個鐘都無呀陰公！
＊其實元氣村好多野玩仲，不過好凍呀都係要撤退