2016黑仔四5日4夜沖繩親子遊day1 - GRACE OKINAWA取車

上車三分鐘後，就到達我們的租車公司的辦公室。


車未停定三人已經確定呢輛就是我們今次的旅程拍擋，好有型似的～




入到辦公室慈母辦手續，呢兩條友即時開心到震，而此處就成為了我們到埗後的第一個景點 – 跑車展覽廳~~


鄭嘉穎 家丁見到呢架大黃蜂時雙眼即發光問：｢媽咪點解我地唔租呢架呀？差少少之嘛！｣一副蝕了三百萬的模樣=.=


手續轉眼就辦好，然後就有專人侍候上車；


還有師傅教授車手如何將座駕的性能發揮的淋漓盡致；


Funk住機，出發！


話說在網上確定車型後，就被JOJIT嬸嬸提醒此車內籠狹小，尾箱亦很玲瓏，會有放下行李後就無位置放戰利品的危機；而後座位置亦不廣闊，恐怕亦無空間放置擺放尾箱所容不下的行李；
因為嬸嬸的閨蜜正是擁有相同型號的車主，所以相信今次沒有被老點的成份，然而家丁卻沒有轉車之意；
最後就在餐桌上明言暗語反問：｢乜你會買好多野咩？｣
哇此話一出我那敢放肆呀仲？高手呀！！！


又不過後來嬸嬸見到mini的真身照片後留言告訴我們呢架係countrymen，有一隻牛咁大XD

咁就可以大買特買 夠哂大架啦！


因為是貴人出門，外面下著雨，而距離預訂的晚飯時間還有45分鐘，於是我們在路上見到一列店舖就快閃進入。
凍肉王子循例巡視當地肉界市場，和為心愛的運動型兒子看看當地銷售的裝備款式；
不過其實進口貨價錢並不便宜，最後買了三條超超超特價名廠泳褲仔就撤退。


晚飯的餐廳是｢沖繩親子谷｣的谷友大力推荐的目利きの銀次-新都心店，聽說店舖內外靚絕食物水準高價錢公道，值得一試咁話。

(待續…)

💦小雨點點滴

＊除了附送的｢免責聲明補償制度｣，我們還額外買了｢安心保｣（ NOC營業損失賠償（NOC）ノンオペレーションチャージ（NOC）について）租車費27500yen，連安心保共三萬多yen（約100蚊港紙/日）。｢安心保｣同｢免責聲明補償制度｣唔同之處係免責只會賠意外後既整車費用，而安心保就會包埋喺維修期間做唔到生意，租車公司有機會claim你既營業損失，所以買埋安心d！

我D功課真係做得好足!

＊原來在GRACE OKINAWA租車送wifi 蛋乙隻，再蝕300萬 =.=

＊估唔到仲有條aux線借埋比你，可以直接播放手機音樂

＊家丁話以後租車指定GRACE OKINAWA，除了因為服務稱心外，當然是因為有無限新款跑車供應啦！

＊今次真係多得局長99好介紹，多謝哂！

＊其實都唔駛擔心，日本人真係好講口恥~
＊租車網址>> https://www.jalan.net/rentacar，用CHROME瀏覽可以直接翻譯成中文，操作非常簡單