2016黑仔四5日4夜沖繩親子遊day1 - 前言> 行程大慨 >上機落機

今年年頭的某天，家丁突然點綠燈，著我籌備五月離港出走之旅，而目標地就是一直有聽說又悶又無美食的沖繩，於是成就了呢個沖繩親子遊。




今次選乘樂桃航空，純粹是因為價錢吸引，四人的來回機票連稅和附加費只是六千多，真是平得有點過份，加上見到起飛時間不是可怕的零晨時段，慈母便開開心心付錢去。

酒店則在HOTEL.COM搞掂，貪其價格保証而且有hotline真人對話；那價格保証更不是省油的燈（因為慈母中途發現已訂的酒店突然降價，經電話查詢後便獲差價退回，非常順攤），於是book完打去confirm，confirm完又打去改，改完再confirm，而退款更有真人回電確定，實在安心又放心。

租車就全身付託給局長介紹Jalan.net，當初經網上訂車就因為語言不通搞到一鑊粥，獻金後就開始因為沒有真人對話由訂車擔憂到取車，本人承認我是個小人之心的母親，成日驚比人呃金去種樹XD
特別鳴謝局長99出手相助整個租車過程，其實並不複雜呢！


至於行程籌備，主要是參考FACEBOOK的｢沖繩親子遊｣群組；

裡頭的資料可謂相當豐富，由機票、酒店、租車、玩樂、食店的資料都一應俱全，網友連訂枱手法、行車路線、即時天氣、事故處理等都樂於分享，更離譜的是此谷會提供滑梯板輪流借用和煙花贈送服務，見到網友如此無私奉獻，實在要讚嘆一句｢港人有愛｣!

經過一個月廢寢忘餐地爬文，慈母綜合了以下沖繩由北到南的玩買食點，而行程的先後順序則視乎當日天氣、路線和心情而定（其實我每次都係咁XD）

準備玩
中城公園  (滑梯公園)
浦添大公園 (滑梯公園)
奧武山公園 (滑梯公園)
海軍壕公園 (滑梯公園)
本部元氣村 (海豚學校)
Round 1 (室內運動場)
名護自然動植物園 (雀鳥公園)
美麗海水族館(水族館)
海中展望塔+玻璃底船 (遊覽)
沖繩兒童王國 (動物園)
菠蘿屋 (遊覽)
瀨長島海灘/ 21世紀之森海灘 (放煙花)

準備食
目利きの銀次 新都心店 (居酒屋)
無添 くら迴轉寿司 (100円回転扭蛋寿司)
焼肉きんぐ (100分鐘燒肉放題店)
牧志公設市場 (漁市場)
遊食來 (漁市場)
泊港漁市場 (漁市場)
泡瀨漁港 (漁市場)

準備Shopping
ASHIBINAA MALL (outlet)
AEON MALL Okinawa Rycom
西松屋 (細路衫)

而最終行程如下
5/16 – 上機落機 > 取車 > 快行SPORT DEPO > 目利きの銀次 新都心店(dinner) > 下塌酒店
5/17 – 酒店早餐 > 本部元氣村 > 美麗海水族館(lunch) > 無添 くら迴轉寿司(dinner) > 返酒店玩
5/18 – 酒店早餐+check out > 玻璃底船 > 喜瀬海灘 > 菠蘿屋(lunch) > 名護自然動植物園 > MaxValue超市 > 返民宿(dinner)
5/19 – 浦添大公園 > 奧武山公園 > 泊港漁市場(lunch) > round 1+西松屋 > 吉崎食堂(dinner) > Tokyu Hands
5/20 – 國際通shopping > 還車 > 返香港
＊highlight的為突擊行程XD

大篇幅暗示母愛的偉大後，終於可以入正題，一切由上機開始XD
（特別鳴謝99借出自拍捧）


當天早上在家附近食完早餐等巴士前往機場，等巴士期間家丁被路邊傻婆挑逗：｢哇！乜你咁靚仔呀成個鄭嘉穎咁樣！｣真係笑爆咀XDDD


到達機場後迅速完成check in、寄行李和過關手續，然後慈母就將所有證件掉給鄭嘉穎，不用一拖二出遊真好！心情隨即進入爽YY的狀態~


兩兄弟坐飛機已經坐到耳熟能詳，起飛時緊張感不再，而一早得知樂桃沒有獨立電視，慈母已預先下載了四少台，有無限細路卡通電影放送。
（特別鳴謝少9和四少）


廉航亦沒有飛機餐提供，檢視餐牌後發現餐點賣相吸引價格親民，於是叫了兩個試下；


呢個火灸蟹肉泡飯，是我親眼看著空姐姐姐打開一個類似杯麵的碗，加進水，不斷攪拌，就成了蟹肉泡飯，心諗：乜咁流？
Anson一打開碗｢泡飯｣就說：｢咁細碗點夠食？！｣
不過佢話好味到不得了~ 杯麵好味是常識吧~~~~~~~~~


Aidan呢個蛋包炒麵就比較似模似樣，自助落醬後賣相不錯，而味道也挺好~


有了四少台，成程機都好安寧，慈母覺得相當幸福XD，安心欣賞我的BTOB演唱會


看完BAYMAX的aidan畫興大發~


落機、過關、取行李都非常順利快捷，一心諗住走出LCC大堂就有租車公司舉牌迎賓的畫面沒有出現，唔通比人呃？我唔種樹呀！！！！
慈母一枝箭在大堂到處搜獵GRACE OKINAWA接機人員或櫃位，又無既？！點算…（此時鄭嘉穎就用 不 死人眼望住我）
然後我又走到大堂外的停車場查詢，此時有位指揮阿叔指著SHUTTLE BUS著我們上車，然後我突然醒覺，應該要坐SHUTTLE出那霸機場找吧？


SHUTTLE埋站之際，就見到GRACE OKINAWA的旗仔在一列租車公司之侯車路上飄揚，我們四人開心到飛起直奔到接待處；


等了一會就被豪華VAN接送，出發前往租車公司辦公室取車。

(待續…)

💦小雨點點滴
＊初頭以為個女人係鄭嘉穎啲客，大佬笑屎我差Ｄ！究竟邊忽似鄭嘉穎JACK? XDDD
＊家丁是PEACH PLUS機票，可以隨時轉時間轉地點，不過就無得一齊坐，益左佢啦！
＊其實自己有兩手準備，坐廉航都唔大問題，ANSON同AIDAN睇自己D卡通都夠哂開心（四少台真係好！）
＊起飛時啲岩岩糖食哂，ANSON又話耳仔痛，引起左一陣恐慌
＊網友話PEACH機場安排一般，而且日本人做事認真(慢)，剩係過關都搞兩粒鐘，不過我地同郵差叔叔送信純熟情況一樣~
＊過關時關員叔叔笑問點解去日本會著I LOVE KOREA衫呢個細路? 最後用韓文同我地講左句你好XDD

＊呢個旅程之後，我發現個人唔醒唔駛怕，個天自然會比D運氣幫你！