復活節の惡人幫聚會

復活假其中一日我們約好惡人幫在警會聚會，成班細路柴娃娃玩完遊樂場再跑大草地；雖然以往可以邊飲邊傾邊睇仔的西餐廳被無情轉陣（變成築起魚網牆的BBQ場），更嚴禁非燒烤人士光顧，但惡人幫一於少理，硬霸公園凳一樣自有我天地。

細路盡情放電，慈母盡力影相，好彩今日不是用定焦鏡，否則追到斷氣都有知。

雖然我從來都看不起呢枝變焦鏡，不過有日光有草綠就勉強壓制慈母對它的嫌棄感；

阿歌老早跑得遠遠，男孩子出盡汗水投入運動時真係特別charm；

呢套球衣是當日經過運動店買的，從小就覺得anson著紅色好好看，雖然爸巴好討厭慢聯，但無size無計啦！ 

成班男男女女一起追的呢個………竟然是一個欖球XDDD

梓朗和Eunice一直都緊守躉左右，相當盡責；

反而阿歌就眼尾都無望過弟底…

然後有大眼慈母的眼大公主悠悠出場；

對眼不只大，仲相當有氣勢；

而躉就絲毫不怕烈女，為個波洗橫手XD

我一路按快門一路笑到差點窒息XDDDDDDD

要數躉的搞笑事又豈只兩樣；
晚上食飯，躉被各惡人幫主圍著，欣賞他的『妙問笨答』，兩歲果然是個好玩的年紀XD

 小火點點燒

＊有一回躉乘大人不為意由遊樂場偷走去大草地=.=
＊晚飯時，麻孖問：：『好唔好味呀？』燉躉浮誇話：『好～～～～～～～～～～～～～～～味！！』＊Catcat媽媽又教佢答：『oh～～no～～』（加暗住額頭手勢）＊唔知邊個問佢唔知咩，佢竟然攤後托頭扮死避答XD＊頻密同包牛踫杯然後狂啜橙汁唔放＊呢晚躉食食食食食不停，果然係街外飯特別香丫！＊飯後三兄弟被硬塞給maymay媽媽，因為246三媽要蒲bar～～