小學第一天

＊    全家晚上9時上床，但兩隻細嘰喱咕嚕到差不多10時才真正入睡
＊    早上6時mcqueen鬧鐘開動，但anson動也不動…＊    因為有人賴床，所以弄得氣氛有點火熱，最後是慈母退一步海闊天空（忍！）＊    除weekend外第一次一家3口在家食早~早~早~早~早~餐：磨菇炒蛋+乾蕃茄芝士包+清水＊    最後3個人手拖手出門，開開心心送anson上車，傻猪仔笑著坐好，開車（！！）＊    忘記比開學利是，今晚比返～

Anson話：（…→發問位）『腰痛丫，因為坐左喺喺操場好耐….要等埋所有同學仔（埋怨mode）』『好攰丫！因為要走上走落走上走落，學校好大丫！不過無去到泳池（失望mode）』『無見到LimLim…無同Lucas一班…Lucas讀1b，我讀1W，W係willi-o咁解…我識解但唔知willi-o中文係乜喎（冷靜mode）』『課室有4行，我坐第3行第2格（突然清醒mode）』『兩張（枱）係痴埋一齊架…隔離果個梗係女仔啦！（嫌煩mode）』『我覺得男仔多D』『小息去左厠所…有洗手…但好似無皂液播！（解釋mode）』『厠所好似公厠咁架（老實mode）』（每格有門→幼稚園無）『有食茶點…有見到字條…好食！…聽日我想食芝士三文治（不客氣mode）』『隔離個女同學無帶茶點，我有話請佢食餅但佢唔食～～ （澄清mode）』『我都無出汗…梗係有冷氣啦！（招積mode）』『介紹自己…我中文名叫譚亦朗…anson Tam係我英文名…多謝各位！….得我一個有講“多謝各位”咋！…最有禮貌係我！（認叻mode~）』『老師講英文同普通話，唔講中文架！』『好多通告呀！你地返黎有排睇啦！！（踩你兩腳mode）』

雖然真係好早起身，不過見到佢精神爽利開開心心，我和家丁就心滿意足啦！