自製熱香餅

話說慈母為了要努力爭取分數，誓要努力鑽研早餐和茶點menu，繼早前的脆脆脆脆脆芝士星餅之後，今次再來呢個麥當當當當當當當熱香餅，口圭口合口合！

試過兩個食譜後，發現呢個加入baking powder和用中筋粉的比較鬆軟。
食譜來源：Venki 實驗廚房 

食譜分為兩部份，第一部份是自製鬆餅粉，材料簡單而且彈性，我不太喜歡現成混粉，因為成份太令人商榷… 

自製鬆餅粉中筋粉 600gBaking powder 80gBaking soda 2tspIcing sugar 50gSalt 1 tsp

以上全部混合，就可入落玻璃樽內等製作pancake時倒出相應份量就得!
如果想先試試此食譜是否岩自己口味，可以將以上份量全部 ÷ 6，就做到3-4塊小鬆餅試味~ 

以下是餅槳部份，朝早起身準備好呢四樣材料，混合煎好就～～～事成！
餅槳自製鬆餅粉100g無鹽牛油10g鮮奶150g雞蛋一隻 約60g　（如果雞細就落返多少少奶） 

製法：1. 先將雞蛋打入鬆餅粉攪拌，然後加入鮮奶續攪；2. 攪至無粉粒再加入已融化的牛油攪勻；3. 粉槳稠度如下
4. 中火燒熱平底鑊，落約一湯匙的餅槳（無需落油）5. 煎至如多如多洞洞就反面，見到熱香餅應有的啡色
6. 另一面輕輕煎一下（今次可以唔駛咁啡因為上碟時呢面會向下）7. 上碟。 

我試過加牛油後再加果醬或練奶或朱古力醬或蜜糖漿都非常好味，餅質軟熟無比呢！
不過哥歌早餐比較喜歡食麵，所以熱香餅就暫時是我們的weekend下午茶點心。