蟲兄虎弟

每個星期天我家的主厨都掛休息牌一天，二厨才有出鏡機會啦，二厨喜歡上網找成品照拍得好的食譜作菜單參考，難得露兩手當然會扭多點花臣，少煮多幾味~~

因為有個西人兒子，二厨我…最常煮港式西菜，意粉、螺絲粉、天使麵、烏冬…等，總之是「麵」，西人兒子就會晃瑩光棒來捧場，再焗個急凍pizza, 炒個簡單海鮮和青菜，或者雞翼牛扒，食得！

呢個星期日晚，因為雪櫃有嫲嫲湯和奶奶魚，二厨決定改菜單煮中菜，在厨房洗切時aidan一度認錯人纏我纏得超緊，突然，哥歌神情慌張地跑進來抱著弟底，慈母還以為他看到弟底「愛」的表現呷乾醋了~~

原來，客廳飛來大蟲一隻(!),  哥歌來避難耶~~~然後他擁著努力想擺脫的弟底說：「弟底唔好出去呀出面好危險丫！」
看到這樣，麻孖的心就溶化了…
最後由家丁把大蟲驅趕。

*開飯時哥歌埋怨：孖咪點解唔整意粉呀？！？？？
*其實我都中意食西餐多啲。*見到三個男人食得開懷，我就開心啦！*都怪我...連anson都怕小昆蟲...