諗諗諗．諗辦法

話說昨日阿gor病左無返學，大休息一個早上後就著手處理因病累積的大堆功課，完成兩樣後舅父舅母到訪，阿gor便飛快地將課本工作紙...棄置一旁...... 

舅父舅母離去後，阿gor遵照baba指示返回書枱繼續做功課，怎料其中一頁工作紙不翼而飛，大件事（！）baba龍顏大怒，一邊翻書倒櫃一邊開動機關槍由上而下向兩母子橫掃，阿gor照舊一臉悔意跟在父親大人腳邊「幫手搵」，然後一面「想辦法」~ 

Gor：「daddy我諗到一個辦法...」

嚴父：「我真係唔明你點搞架！功課都可以唔見，擺左去邊丫你話？」（下刪500字）
Gor（若無其事）：「不如我地自己畫啦，等我搵張紙黎！」
嚴父由客廳走入房繼續翻箱，怒氣沖沖~
Gor（舉起張畫有少少塗鴉的畫紙）：「嗱呢度丫，我地喺上面寫返LKB同我個名咪得囉係咪？！」
嚴父「無你咁好氣」狀繼續邊鵝邊翻；
阿Gor手執畫紙走到書枱開始寫寫畫畫，不一會，便把以下傑作呈到皇上手裡：

呢個所謂既方法，其實係上次慈母以為丟失另一張工作紙時隨口噏出來的，工作紙在最後關頭跑回報到沒未有實行，不過原來阿gor把此話存儲起來了。

其實任誰都會犯錯（都唔知咁勞氣做乜？），但肯動腦筋想辦法補救，總比只懂空口道歉然後呆著等人打救來得有誠意，我喜歡這樣的孩子...雖然，我知他仍然會再犯...哈！