烏冬kiss福仔

烏冬已經病左兩個星期啦, 後生世仔竟然腰骨痛, 佢又唔係好似媽咪咁大肚林dum喎...

困籠都困到佢牛曬. 見佢面壁左咁耐, 琴日好心放佢出黎, 個衰仔竟然唔出, 咬住骨骨望住我地, 好似係度問"你兩個有咁好死?". 跟住同祥爸爸嗲聲嗲氣先引到佢出黎, 一出閘佢當然飛樸我果邊, 仲要攬住我個肚! (真係唔明, 點解次次都係病見lur阿媽既!)
又跳又錫, 幾驚佢又整到. 嬉戲左唔夠2分鐘, 見佢條腰仲係彎彎咁, 就叫佢入返籠啦. 點知原來已經lai左野 (><).

接住佢痛哭狂嚎, 雙眼狠狠咁掘住我地, 好似話我地好整親佢咁...無計啦!我同祥爸爸唯有輪住掃佢背脊啦...
當時我心諗...第日蝦米出世之後, 我地一家人會點呢?
諗起米米識行後可以點佢拖住福仔出村口買雪條, 真係笑屎...