Felix小bb滿月啦!

雪塋同輝佬既小bb Felix滿月啦.
琴日我地去左佢既滿月酒. 當然我同++都藉著呢個機會請教下呢位剛上任一個月既媽媽啦. 雪塋一面餵奶一面講述一堆注意事項, 佢亦即席表演埋掃風, 見佢都相當熟手, 真令我同++甘拜下風, 自問到蝦米同銀芽滿月時, 真係無信心可以如雪塋般厲害呢~~

Felix 小bb都好合作, 見我同++ ee咁想學, 更加表演埋屎屎(+過底), 嘔奶同扭計比我地睇, 咁雪塋媽媽就順便示範埋換片, 接嘔物同搖搖un un. 原來處於冷氣地方幫bb換衫, 要先將bb既底衫同外衣套好, 跟住要以最快速度穿上bb身上, 如果唔係好易會冷病架啦!

抱住Felix bb時, 佢既身體好軟綿綿呢~ 但我仲係無法想像兩個月後我都會擁有如此一團綿花糖啊! 睇下bb腳仔幾可愛...真係令人好想咬一口 !!

可能因為印象太深刻, 我昨晚發左個夢, 夢中我不斷在餵奶......宜家我好
祥爸爸話我壓力太大, 真的嗎?