第八個月

報告一下阿米既最新檢查結果先~~

頭仔直徑8.4cm (比兩星期前增長了0.4cm)
大肶骨長6.2cm (比兩星期前增長了0.2cm)
肚仔圓周28.4cm(比兩星期前增長了1.5cm)
媽媽體重60.4kgs(比兩星期前增長了0.9kgs)

醫生話長大速度正常.
檢查時阿米咀郁郁, 唔知係咪同我地say hi呢!? 今次更明顯地見到米米有個尖尖既下扒, 兩邊面猪又圓又大 (同舅父仔好似啊), 咀唇厚厚的.
每次吳醫生都話阿米睡姿招招積積, 哈! 因為佢雙手托頭又撬腳呢~

洗洗．刷刷．曬曬

中秋節的一日假期, 我同祥爸爸無出街. 一早起床歎了一件star war從日本遠道送來的cheese cake和一柸milk, 好滿足~
意想不到, 天氣竟然陽光普照, 所以我地決定洗淨米米既新衫仔. 於是先消毒一下洗衣機, 同時挑走衫仔上既牌仔, 因為怕米米會"吉肉"啊.
我發現~原來有一啲牌仔係喺衫車好後再另外釘上去既, 但有一啲就係喺縫合衫仔時一同車上去...所以, 牌仔挑走後, 縫合時一同車上牌仔的位置就會因此而留下一個破口...無辦法啦, 唯有待阿米出世後再作修補啦.
一大堆牌仔.....所有衫衫洗淨之後, 都讓伯伯"照"顧一下...殺走細菌~~
洗完衫仔, 都應該要輪到烏冬福仔同kiss啦...因為烏冬小朋友腰痛既關係, 已經有5個weeks無洗白白啦(((好恐怖啊)))...<<皮蛋味>> 特濃呢~~

   
當然, 之後我也讓3位享受了15分鐘既日光浴...
頭先祥爸爸提議今晚兩個人去馬仔山食dinner.......食咩好呢
 

我快樂地過去的七個月

踏入第八個月, 時間好似突然過得好快.
米米今朝踢得好厲害, 簡直有如喺我肚皮入面踢緊少林咁.
佢可能想remind我, 佢就快要出黎啦.過去呢七個月, 我是過得很不錯的.

我無嘔, 無反胃, 相反地...胃口還相當好呢! 有益無益的食物我都大口大口的吃, 嗯~~得在此回顧一下.
差不多天天吃的 - 麵包, 奶, 烚蛋白, 芝士, 白飯, 蔬菜, 魚, 肉, 奶奶靚湯, 水果. 還有醫生開的維他命和葉酸丸, 鈣片.
一星期吃2-3次的 - 雪糕, 汽水, 紅莓汁.
兩星期吃一次的 - 魚生壽司, 麥當當, 糖水甜品.
偶爾吃的 - 燕窩, bbq, 打邊爐, buffet, 酸辣米線, 祥爸爸的手瓜.
介掉了的 - 煙, 酒, 榴槤, 荔枝, 大閘蟹, 蝦頭, 苦瓜.
應該差不多了......身手依然敏捷, 走路飛快如常, 亦無變成大肥婆. 截至琴日, 我還未超出60kgs...嘻
心情開朗, 思想正面. 可以自我過濾某些壞心腸的人的說話.
keep住追趕潮流, 買衫shopping次數不減還增! (包括自己的, 祥爸爸的, 米米的)
家務和脾氣, 都全部交由祥爸爸負責和擔當....哈哈!!
全數接收家人同朋友既關心和照顧~
很不錯呢~Thanks to all of you~

走佬袋和米米既用品都準備好了, 心情亦開始有點緊張.
因為始終...生bb也有風險, 亦擔心米米既健康狀況.
唔知點解, 宜家無以前訓得咁淋....可能米米大隻了, 我有點呼吸困難和腰骨痛, 而且d衰蚊都係咬我既!!

倒數一下仲有8週.