5日4夜首爾拋夫帶子頻撲玩雪之旅DAY4－大明滑雪場

第四日，行程非常緊張，因為要一大早先民宿集合，再跟滑雪隊報到；
一定要準時，否則滑雪行程必泡湯無疑




呢日我們在民宿的集合時間是7時，慈母好似5時45就起床，梳洗整理自己和大少細少後剛剛好7時踏出大門；
今日又是零下的溫度，聽米爸說最低會跌到-10，好興奮～
所以今日的裝束是棄置了昨日的厚衛衣換成fleece，躉就換穿了哥哥的舊羽絨；
呢件羽絨其實對於躉來說還有點太大，不過本身躉的羽絨屬just fit，穿了fleece就無法塞進去，當初整理行李時就有預此一著，慈母確是一個又聰明又漂亮的好媽媽～～～～


因為躉還是小BB捱不住，所以上車沒多久就睡著了，甚至連哥歌也捱不住了；


抱小孩的長久戰當然要有隊友，今次出場的是ben叔和｢果個女人｣XDD


到了雪場辦公室，大人們忙著查詢，孩子就轉成叉電模式XD

一小時的車程，大人小孩都倒頭大睡，睡醒後第一站是雪場位於山腳的租衫站；
不過我想說呢個選衫換衫過程真的是挑戰慈母極限，由雪場領隊在車上淡然說只給我們二十分鐘時間選衣更衣開始，慈母整個崩潰：二十分鐘？我搞自己先岩岩好咋喎？！仲要搞埋大少二少？！又無老公又無姐姐點搞呀？～～～～～～～
入到租衫點，哇！人多衫雜，情況就如同歲晚大酬賓一樣，唯有開turbo，實行超市一分鐘瘋狂掃貨，現在開始！

慈母用鷹眼在褸架上盤旋了兩圈，勉強找到件躉合身的外套，慈母再在旁隨手搶了件給阿哥，就速跑回起點快套在兩兄弟身上；
躉的剛剛好呀well done，剛睡醒的他也沒有什麼意見；


不過anson的就太大件被彈票，於是慈母就一個轉身射三分波，選了件岩size外帶點車手feel的給他，皆大歡喜，又done！


好了！到自己！
然而一眼望過去，成人架上剩餘的好像都是｢賣淨蔗｣，而且款式十分喜慶，不是大紅就是大紫；
好不容易找到件新淨度較高的雪褸，七色彩虹配搭活潑格仔，事到如今，反正要走蝦條姐姐路線，大紅就大紅吧！
其實我對於滑雪衣著潮流真係一竅不通T.T


變身後返回車上，再坐10分鐘車就到達大明滑雪場；
終於上到山，前兩日沒有低溫但天氣陰沈，所以今日雖然是零下的溫度，但有太陽伯伯照料著，就感到非常幸福和感恩～


經過一輪講解，才知道雪兜場和滑雪場是一頭一尾的，於是又要出外靠朋友，將ANSON交給米爸米媽BEN叔和99後，我們幾隻雪兜友就帶著依依不捨（小人）的心情離開；

情侶誕生？

本來參與雪兜樂的就只有睿和躉兩公婆，還打算用此機會好好培育一下小愛苗，可惜他們兩隻就是天生的不咬弦，睿睿對雪兜完全提不起興趣，最後由兜友護法送回阿媽附近；


而躉，幸好有兜友提醒時間無多（玩兜限時至下午一時），本來在滑雪場發呆的兩母子折返兜場，渡過了好溫馨的親子雪兜時光～
躉選了最喜歡的火紅兜；


起初拉兜上山躉都沒有很雀躍，只是一股傻勁地拉兜跟大隊向上爬；


不過滑過一次之後就整個睡醒了大叫｢好玩！｣
又指點我要跑快D，隻身把兜由山腳拉上山頂，男子漢一樣XD；


呢個兜場比較有規矩，每次等齊人才吹雞起步；
於是每次阿躉都當正自己出賽一樣猛叫：｢快啲！快啲丫！｣
第一個滑到山腳，躉就會用肯定的語氣告訴慈母：｢哼，我地贏左啦！｣XD


玩到樂極忘形，結果要四少騎千里馬來大叫：｢開飯啦～～～～～～～～｣我們才醒覺到了午飯時間；
見到大仔，打算先點餐後問候啦，ANSON就直說唔覺餓，想繼續玩～
咁應該唔駛問阿貴，佢應該覺得好玩到痺～

不過作為慈祥的母親又點會放過佢？
Order了一個牛肉飯和一個兒童餐，聽聞那個兒童餐的肉塊好難食，見anson食光雞翼、飯和大腸就停手了；
而我和aidan的牛肉飯湯汁異常的多，躉沒吃幾啖就停口了；

好快的吃完就收拾準備回雪場，時間無多，大家都想爭取最後時間～
因為已經是節目尾聲，慈母真是好想親眼看看哥哥滑雪；於是帶著阿躉闖入雪場；
看到anson果然已經上手，好開心的走上去又滑下來給我看；

哥歌開始穩定，兜友著我帶躉睿陪養感情去～～
不過二人仍然是水溝油一樣，一個向左走一個向右走XD
躉情緒還愈來愈不穩，來了一個大哭鬧，慈母在雪地上手足無措；


時間過得好快，突然再次聽到身後傳來四少的呼喚：｢喂～～～～～3點啦～～～～～走啦～～～～～～～～～～｣
於是我和sara倆就參扶著呢兩粒豆釘回置裝大堂。

到大堂，等了又等都未見神鵰俠女（米爸米媽）和ANSON身影，聽聞ANSON襯米爸和米B坐CABLE上山時以一人之力撐起裝備徒步上山，之後就不見踪影了～～


哇聽到呢個消息，除了覺得唔好意思之外，其實慈母打從心底裡慌出來；
個仔究竟去左邊？
會唔會撞到山定樹比跌落泥既雪埋鬼左？
雪山無拐子佬吧？
一陣係咪要CALL 119叫救援？
我係咪要上雪山大叫搵仔？
點同家丁交代?
千祈唔好有事呀～～～～～～～～～～


慈母將近賴尿之際，就聽到兜友說：｢ANSON泥啦～～～｣
唉。。。慈母如釋重負，阿仔你平安返來就好啦！喺度真係要衷心講唔好意思......


回程路上，各人又訓到屎去活來，一覺醒來摸一摸身邊正熟睡的躉，體溫好像有點高…唔係發燒呀？

💦小雨點點滴
❄️朝早摸黑起身，其實點解呢個trip愈來愈似跟團？
❄️揀衫換衫時真係好狼狽。。。。咩儀態都無哂啦！
❄️早餐喺車上搞掂,食返前一晚喺便利店搶購的隔夜麵包XD
❄️最近睇相，AIDAN指著少9話：｢我唔識果個女忍係邊個泥XD｣
好一個忘恩負義的細路
❄️每次行過製雪機都好似遇雪災要走難咁，好狼狽XDD

❄️拎漏左條頸COOL比阿躉，真失策！
❄️四少帶我地兩母子去canteen但搵唔到路好想指住佢大笑XDDDD
❄️Canteen要自己收拾餐具，我d食具放錯地方比人話，anson幫我放返仲掘左我一野…
❄️其實躉唔食LUNCH我有心感不妙，仲扭計…
❄️見到四少少9夾死烏英咁話我知anson自己上左山就知道呢次嚇屎佢地，辛苦哂！多謝哂！

❄️將上山故事報告家丁，我地對佢自行上山感覺正面，要趕緊搵出佢既心底興趣好好培養先得！
❄️其實呢間TONY JAR雪場團安排真係一般，詳細情況可以睇下神女報導>>家有米B