我的志願の小學現實版(G3)

昨晚浴室打水時，聽到anson問家丁：『我做呢個好唔好呀？』

我承認自己有小人之心，開始就覺得這是圖書館的『強硬性』派表招募；
因為慈母做女時，圖書館管理員一職多數無人問津，於是有多無少，班班派表；但經過anson的細心解釋，才知道他是專程拜託一鋒取得此申請表，再拿回家跟我們商量，立心要通過考核希望獲得取錄的（好man啊(*0*)） 

以下是訪問內容；
慈母：『點解會想做圖書館管理員既？』Anson：『因為有一次我見到一鋒喺圖書館做緊工，咁佢同我講佢做緊圖書館管理員同埋講要做咩，所以我有興趣囉 （解釋mode）』

慈母：『係咪一鋒叫你一齊做，仲拎埋form比你架？』Anson：『梗係唔係啦係我自己主動問一鋒叫佢幫我攞form架！（唔好屈我mode）』慈母：『咁你知唔知做圖書館管理員要做D咩？』Anson：『我問左一鋒架啦，佢話要幫同學借書還書，放返好D書，聖誕節仲有大食會（雙眼發光mode）！』慈母：『咁你覺得自己機會大唔大呀？』Anson：『唔知架，因為交左表格後仲要考試，要1分鐘內將3本圖書放返上書架先算合格架！（少少擔心mode）』慈母：『咁全班有幾多人想做呀？』Anson：『哈哈！得我一個！（英明神武mode）』

一鋒是Anson的校車朋友，比anson高年班 ，又是籃球班的同學，anson十分喜歡他，上籃球班的時候，也見一鋒是特別關照anson的，時常向anson指點，兩人在球場上有講有笑；

Anson說，一鋒已經是高級圖書館管理員，最近更入選學校籃球隊；說時anson露出仰慕的表情。 最後，Anson說自己會通知同班波友當值的兩天不能去踢波。 

看見呢個小二生，一雙充滿鬥志和希望的眼晴，一手一腳發現、了解、愛上，然後自己策劃、進行、實踐，突然覺得呢棵小樹苗在急速成長，麻孖又好唔捨得了～～～～～～～～～

小雨點點滴

＊Anson解釋時，好似講故事咁話：『咁呢，果日，我見到一鋒喺圖書館，佢咁咁咁所以我咁咁咁，然後佢咁咁咁，我話咁咁咁，佢話咁咁咁咁咁…………』真係好詳細XD
↑ 可能係深明阿媽長氣又領悟能力弱，真係辛苦哂XD＊Anson一路填form，一路甜笑，一路自問自答好可愛～＊Anson話一鋒叫佢唔好填佢做推薦人，我都唔知點解…