處女作。義工家長のThe Avenue of Stars遊客訪問活動(G2)

當anson告訴慈母我被抽中成為今次outing的家長義工時，兩母子就一個屋頭一個屋尾直奔向對方用力相擁，「阿婆我得左啦!!!」

今次活動是由英文科主辦，老師teacher Jennier需要領軍到尖沙咀星光大道進行採訪；由於2W一班人多勢眾，所以老師需要家長義工協助管理馬騮。
準時10:45回校，聽罷老師講解今次活動的細節和各家長的任務後，便帶同呢班嘩鬼上校車出發!

在車上馬騮們有七咀八舌的，有活力十足的，更有飛禽大咬的，teacher Jennier要不時站起來「嗌名效尤」，做老師的應該長期不能唱K...

下車後，老師和助理姐姐先分派三文治+飲品，然後鴨仔團便步行到星光大道，大鄉里出城的同學們因為心情興奮而手舞足蹈，不過總算有隊形，我們順利行到海傍後，teacher Jennifer交帶好集合時間，大家便分頭行事了。


我要管理的就是呢三隻馬騮，除譚馬騮外，還有Travis馬騮和Carrick馬騮，鏡頭前的他們都威風凜凜；

然而鏡頭後...

終於見到第一個遊客在我們眼前遊走(!) 慈母隨即雙眼發光，鼓勵三子出動；
不過三子比慈母想像中緊張和害羞，第一次任務失敗。

第二個目標是一對坐在長椅上的外國人，但三子因為仍然處於膽怯狀態而出現語塞的反應，而且聲亮有如蚊滋，結果差不多由對方自讀自答，勉強完成訪問。

因為上一個訪問只得ANSON開過口，為令三子都有所體驗，慈母做了一些分配；
今次訪問終於順利完成，飲得杯落!

整理好訪問內容，三子就在長椅上開餐，以維港景色送飯，好不enjoy。


最後一個任務是寫生，三子只是用了「三秒」的時間就完成大作，真係唔簡單!

全日任務完成，影張相留念啦!
 

小雨點點滴＊anson一落到操場見到我就神情緊張叫我: 「快D啦!呢邊呀!上車啦!」(莫訓非真係驚我失禮佢...)＊上到校車anson竟然無留位比我...同同學仔坐...T.T＊不過見到佢同同學相處融洽慈母內心又好安慰^.^＊anson說，我是大隊長，他是小隊長，組員都是由他選的；＊外國人都好NICE呀! 有問有答，還有反拍，哈哈!
＊Travis馬騮和Carrick馬騮都好乖好淡定，所以慈母都算輕鬆。＊慈母都偷左一張合照
＊本來佢地都唔想影相，但一話影比MAMI睇就即刻就範，愚子可教耶!