新居．天空之城

入伙一個月有多，係時候好好為新居作個簡單記錄。 

記得七年前第一次做業主，我和我當時的凍肉型男男友還相當年青，只懂一些很膚淺嘅裝修理論，在沒有任何研究和考慮之下，就直接將自己腦海內的所謂「設計」向裝修師傅口述，最後當然自食其果，錢花光了，還得對著這間金玉其外，敗絮其中的堡壘七年；每當有人死命拉也關不上厠所門，每次當我在廚房翻天覆地也找不到某某廚具，那刻就像在我傷口上洒鹽一樣．．． 

anson：「are you ready ? let me show you around！」

今次以環保為名，慳錢和懶為實，加上上手業主留下頗多「好野」，我們決定只作全屋「翻新」，慳水慳力慳時間；

因為沒有花費很多金錢和腦汁，人也自然輕鬆起來，到後來看到以下成果，我終於可以忘記舊日的傷痛，重新做人！ 

以下的組合櫃，廚櫃，衣櫃都是舊業主的「好野」- 入牆訂造傢俬，實淨之餘亦十分實用，所以有得留低！我們的設計意念是，將所有木色變成白色，結果間屋望落去光猛左，大左，得左！

主人房是我們唯一捨棄了原本入牆櫃的地方，因為套厠令空間減少，所以我們原本的衣櫃會比較適合，焦點是呢個由日頭曬到黃昏的露台位，被陽光曬醒的感覺實在太幸福了！

在anson房，我們把他的playing corner移動到露台，呢個是我全屋最滿意的舖排，如果我細個有間咁既房，我一定會更加比心機讀書，更加孝順父母，更加乖更加聽話；anson，聽到未？

（拭淚）我終於有自己既書房了！！

厠所只是簡單噴油翻新，雖仍然甚多瑕疵，不過當見到埋單的銀碼，我們便覺得物有所值！

飯廳的燈亦是舊業主的，我們換走花碌碌的燈罩再套回自己的透明燈罩，即時新既一樣！

正所謂世界上沒有免費午餐，天空之城的每位住戶都有責任要分擔家務，咁就係個好孩子喇！

至於為何名為天空之城？因為未有相片，所以留待下回分解！