韓國首爾8手8腳親子旅遊D4の鷺梁津水產市場+皇帝飯店

食完早餐直接由Hotel Tong鐘路5街站乘地鐵出發，沿一號線直接坐到鷺梁津站便可，路痴都無有怕。
下車時，在月台遇到幾個香港人在拍合照，慈母出手相助後得到『回禮』，這就是互相幫助的港人精神～

拍卡出閘後上橋走到尾，再下兩層樓梯，嗅到愈來愈濃郁的咸水味，然後水產市場便會在眼前出現了。

 從樓梯探頭看，會見到呢個魚蝦蟹延綿不盡的壯麗景象～

雖然此行首要目的是醫飽腸胃，但慈母覺得可以來一場海鮮類生態教育～市場最外面一行是最昅精的，主要賣蝦、蟹、貝殼類；

內巷賣魚市場為主，見到呢把長過手臂的墨魚鬚時團友們都震驚側目；

站在一排排赤裸裸海鮮外星人的現場，就仿似置身海底實驗室；

循例向幾檔問價後，導賞團最後決定在外巷檔入貨；影呢張相時anson由本來目無表情到後來肯配合畫面七情上面，就完全是出自慈母的擺佈之手；

蜆王又在呢間貝殼專賣檔買了幾款香港無見過的蜆才肯收手。


跟隨魚檔員工來到皇帝飯店，見全場爆滿慈母就放心不少；

還被招待到VIP房，心情更加興奮～

上海鮮啦！！！魚生味道正常，魚有魚味～

外星墨魚被碎屍萬段之後仍然非常生猛～

古怪大螺味道一般～

海膽鮮甜清新，軟滑甘香，一放入口就會反白眼～

辣炒帶子；

大人飲酒anson就用酒杯飲汽水～

炒雜蜆，蜆王話都係細細隻好食！

帝王蟹和長腳蟹；
本來只選了一隻帝王蟹，後來檔主說給我們長腳蟹大殺價，所以皇帝同愛妃都齊齊落網～


拆蟹啦！！

呢個由千萬網民推介的帝王蟹，果然是不同凡響，骴粗膏厚，肉質甜鮮~
真係會一啖接一啖再一啖又一啖咁停唔到口；

阿躉都要影相貼facebook咁話～

最後上場的是魚骨湯兩食，湯水填補腸胃裡的食物空隙，超！級！飽！

多人旅行團的好處就是可以叫滿一桌（雖然最後都食唔哂XP）

埋單大約每人HKD350，細節如下：
海鮮料約W200,000料理費用W12,000／head (收6位，anson和躉講價後免收) 
鷺梁津水產市場
地址首爾市銅雀區鷺梁津洞13-8號
開放時間 10時30分 - 20時00分前往方法: 路線1 - 地鐵1號線鷺梁津站1號出口, 反方向走，第一個路口左轉　　        路線2 - 地鐵9號線鷺梁津站2號出口出來直走，第一個路口左轉

離開飯店又遇到車站的香港朋友，原來他們是鷺梁津常客，每年總會為了帝王蟹而回來，從他們口中得知，在魚檔購買海鮮後到皇帝飯店是不二之選；對於人生路不熟的我們，聽到同鄉呢個確定後大呼好彩！好彩無做水魚～ 

小雨點點滴
＊ 阿躉上地鐵無耐就訓著，聞到飯香就醒來
＊ 其實揸住Crab King時anson應該都驚XD＊ 阿躉又被阿猪媽調戲XD
＊ 去洗手間時見到隔離飯店真係拍哂烏蠅架！＊ 呢度都有防彈汁圍裙！好令呀！
＊ 遊記寫到呢度開始記憶含糊...唯有睇相作文～