父親節快樂~

真係好羨慕家丁經常有得影呢D咁有Feel既相...

父親節的前一晚，我問家丁：『下星期日先係父親節呀呵？』家丁回：『聽日呀！』我：『乜唔係第三個星期日咩？』家丁（反眼）：『你自己睇下個日曆啦…』sorry，我記錯了… 

anson前一晚已經送了父親節禮物給爸巴，畫功相當的細緻，應該有好比心機畫；

Anson解畫：『爸巴踢波比我，我準備接～』

今次也是多得童軍家丁才有父親節卡收，究竟何以anson間小學能夠一點表示都無呢？呢個可能是一個迷…

晚上，慈母本來想下廚，弄一桌泰國菜來關照老公大人的（泰式猪頸肉、泰式雞腳、生蝦、菠羅抄飯之類啦～），然而家丁忽然說想試試附近間國民意大利餐廳，我便收起鑊剷了。

食完飯去了公園玩，之後行書局再買雪糕食，細路好快樂，爸巴見到細路快樂都好快樂～

爸巴，父親節快樂！

小雨點點滴＊ 幅畫畫到好似爸爸準備衝力射仔，阿仔叫緊救命咁XD
＊ 到了餐廳，anson說：『我都想請你地食飯，但我無錢…』＊ 傻猪， 有錢都要拎去交過期還書罰款  第日大個仔先啦 XD＊ 泰國菜搵日再試，等我（握拳！）＊ 喺餐廳阿躉超曳，擒高擒低唔食野+豐富咀臉，T2開始啦?!