Christmas 2012

聖誕快樂!!
 
今年是首個一家四口渡過的聖誕節，節目安排跟往年差不多，雖然帶燉躉外出會頗大陣象，但過時過節一家人當然是一個都不能少呢！

聖誕前一星期觀賞了阿gor的聖誕音樂劇表演，哇！今年阿gor就勁啦！除跟足舞步無甩咀外，更有英文獨白一大段（！！！），我和家丁都看得很開心投入，亦感到十分驕傲興奮，稍後補篇全版卜文詳述精彩內容吧！


表演之後約好eason一家去睇燈飾，今年海傍兩岸的聖誕燈極為凋零，以往處處五光十色的熱鬧不再，希望【繁榮】的香港將來不會只剩下石屎商場的卡通人物造型佈置。。。


睇完燈飾到batman餐廳吃晚飯，孖臣可高興啦！在batman 飾櫃前追趕跑跳踫，侍應哥哥更慷慨借出蝙蝠面罩，孖臣即時badman上身大耍功夫，連躉亦變身成蝙蝠小人！
餐廳食物有造型有水準，可惜價錢與份量非常不符，應該無下次～
燉躉呢晚更成功用小手指夾起餅仔放入口，幾叻！

星期六，8戰士約好去公園和fat Angelos吃聖誕大餐！


交換禮物呢個主意真不錯，我們傚法Susanna的做法將買禮物任務全權交給anson，到玩具店他選了好幾份自己喜歡的＂男仔＂玩具，然後經過好幾次提醒（100元內，男女小朋友合用）才順利選到一份比較中性的戰利品回歸。
花紙方面anson也有出力丫！【花】是由anson襯筆抄畫的圖案，【紙】是慈母從公司拿回的再用紙，亦因為呢個獨一無二的包裝，令禮物特別搶手，最後由哲哲抽中頭籌勇奪！！恭喜哂！！！

露肶躉都有幫忙整理XDXD


星期日，參加一言妹妹生日派對，甫到達eason耳仔痛發作要轉戰法國（醫院），雖然變成單獨付會，然而anson有跟一言的同學仔和家長們打成一遍，燉躉也睡上兩小時，我和家丁樂得悠閒～


正日25號，惡人谷小孩來新天空之城開party，不經不覺呢班小朋友又長大了，不斷添加新成員更令惡人版圖愈擴愈大；anson當年是第一輪孩子圈的大佬，現在躉就是第二輪的阿哥，哈！


呢晚躉破天荒12點都唔願訓，心情一定超興奮～


公公更跟一大班後生大談飲食煙酒經，不亦樂乎！

每次party能戰到最後的人會圍起來傾湊仔經，交流育兒心得和大家對孩子的不同理解，互插互勉，慈母超中意呢個parents talk，因為相信只有真正朋友才能在狠批裡有所得著而無損友誼。

boxing day拆禮物後，我們帶孖臣去踩單車。
雖說我和家丁比較喜歡住西貢，但大埔的確有太多比西貢好玩、好買和好食的地方，就例如一落街就有單車徑就是西貢無可媲美了。

每年聖誕有家人、朋友、美食，於願足矣！

聖誕快樂！！大快樂！！！