飊車@西貢のanson的另一面

上個月某weekend， 有3個西貢小孩相約到西貢飊車去．
 
等入茶樓嘆茶中．

同契媽們飲完茶後，所有人便分兩路，女人負責去街市買餸為是晚的元旦火煱準備；家丁、契爺和行動不便的我就負責陪3隻嘩鬼在街市外的空地放車．

話說三人玩得相當高興，一時自設交通規則要對方遵守（違者坐監）；一時又抬哂三架滑板車上遊樂鐵架再齊齊躺下扮「返屋企」「訓覺」，慈母看在眼裡覺得三粒豆丁傻氣又可愛．

不一會，空地上出現兩枚殺氣相當重的「姐姐」，空地是公眾地方，姐姐當然有權分享所有設施，但西貢童黨的座架明顯阻住個地球轉，於是姐姐就開始跟童黨理論；

然而因為姐姐態度實在過份囂張，談論期間甚至乎有出言抵毀之嫌，所以童黨雖然人仔細細身材輸蝕，但也要站高據理力爭．最後，姐姐被一言妹妹的強攻之下敗走到遊樂場去，三人成功力保家園．

對於這些小朋友鬥咀爭玩具之事，慈母一向會採取放手態度，只要無人動粗，我會選擇撓埋雙手睇戲，因為這是小孩子鍛鍊口才的大好機會．但就呢件事上，我看到anson的「另一面」；

正當eason和一言刮盡所有詞彙落力跟姐姐理論時，anson反而靜默一旁碌大眼睛地觀戰，後來到姐姐敗走，anson竟然還拼命追過去大呼：「姐姐唔好走啦我比你地上黎！一齊玩丫！！」

我覺得，anson應該跟企朋友仔果邊，咁先有義氣嘛！
baba覺得，咁咪幾好，無謂搞咁多野...
咁究竟anson的動機是什麼？