第一個月

3月14日
本來諗住22號先check既, 當係送比自己既一份生日禮物. 但呢幾日真係作嘔作悶...好似..好似...所以我實在忍唔住, 好心急想知道...
lunch 突然勁急, 心諗橫掂都咁想知, 同埋如果係無, 就疊埋心水得第14日, 心情放鬆就早d到, 應該仲趕到猪猪既.... 跟住跑上watson's買, 飛奔上公司, 戰戰兢兢打開個packing, 浸左8秒再等左5分鐘, 條紅線若隱若現啦.....因為唔係好清楚, 即刻打比++問清楚應該係點既, 似啦~~~
打比祥爸爸, 我話"我諗你唔可以整個花園住lu", 佢問點解...哈!!玩我!! 衰佬!!

跟住知道要開始飲好多奶同介口, 魚生海鮮凍飲熱氣野通通唔食得... 

3月18日
同++一齊上仁安check, 醫生問我地點解會一齊咁樣, 一齊睇又唔介意?
哈哈...我地其實無諗呢d, 有d好似玩咁.
我留左半柸, ++話少少就夠...笑屎..

同老爺奶奶一家人宣佈左, 老爺話要介口呀... 奶奶話要食多d牛骨...大哥大嫂話會問朋友睇下有無車仔床仔衫仔, 細妹早o係兩個禮拜前已經買左本日本bb書仔...

3月19日同starwar食飯, 佢送左莫札特cd專輯比我, thanks so much!! 好岩用

3月31日
蝦米仔有0.82呀....影左第一張相^^
我重左少少, 49KGS.

  

80個胃的四人遊

我地終於出發去得成^^我地既泰國蜜月之旅！！
雖則之前我地買ｐａｃｋａｇｅ果間ａｇｅｎｔ無啦啦執左笠，好彩仲補到飛．．．

２月２７晚，先送福爺到濠宮，再送豆豆烏冬返顯宮同隆宮，最後將ｋｉｓｓ都送埋去健銘屋企，４隻小朋友都安頓好曬，過左一個超寧靜既晚上．．（ＰＳ：我以後會對福仔好好，你地唔駛諗啦）
 

２月２８號１１點起飛，點零鐘到達，再要４０分鐘車程就到達我地既ＲＥＳＯＲＴ－ＢＬＵＥ　ＭＡＲＩＮＥ．
直ｂｉｔ上房．．．嘩！！！！！！！！無敵大海景，寫意長露台，百份百泰式裝修，半開放浴室，寬闊浴缸，皇帝大床．．．不禁要講一句""呢先叫渡假架嘛！！

""

２０個胃的第一天隨即搽太陽油換背心短褲截 "督督"去巴東市搵野食．第一餐，我覺得麻麻，個冬陰公超咸，２碗牛肉同雞絲湯河味道還可以，最唔話得係佢個侍應送左一大碗"冤口冤麵"過我地，唔知以為我地得罪左佢全家．．．真係想同佢講"你信唔信我轉頭覆你呀嗱！！"
行左一陣我地坐底左食第二餐－雪糕，好咪喎．．．

晚黑我地ｏ係大排檔食海鮮，個炭燒蠔好正，蒜蓉蝦都ｏｋ；但個咖哩蟹ｄ蟹就唔新鮮，個炭燒泰國瀨尿蝦就成碟野水汪汪．．間野叫ＲＥＤ　ＢＯＡＴ，大家下次可以唔駛諗呢間．
嘻嘻^^最後節目就係到泰國不得不做既"馬沙馳"．１個字－〔〔正〕〕
之後買左一大堆薯片尢魚柸面啤酒返酒店，玩到２點幾先訓．
計埋早餐同飛機餐我地食左６餐．．．辛苦曬～
餘興節目係老公ｆｉｎｇ開老婆隻手過馬路，笑死人無命賠！

５０個胃的第二天
一早先食酒店早餐，ｏｋ幾好咪，ｄ野食幾特別，好中意食佢既ｍｉｎｉ牛角包^^
跟住我地出發去魚仔島．嘩～～～佢地好得意架，成群魚圍住你，周不時佢地睇錯左我地隻腳係麵包仲咬下你，不過我唔明，我同＋＋就話對腳又白又滑似麵包啫～～無理由ｄ男人隻腳毛神神佢地都睇錯架？！？！

黎到呢度，真係覺得泰國好靚，海天一色，水清沙幼，基基攝影師梗係即席揮毫啦．
 
不過，你地下次參加ｌｏｃａｌ　ｔｏｕｒ記得帶野食，因為佢地只有三文治同水果供應，差ｄ睋暈我地果２００個胃～

返到市區我地四隻怪獸梗係又急不及待搵野食啦．先食左一檔街邊粉仔，勁好咪（可能太肚睋），我地一人一碗加２０串串燒．
跟住行過一個車仔又買左一個栗米燒餅
再行一陣ｐｉｃｋ左一間好好ｆｅｅｌ既餐廳．由於日頭無咩食過野，我地完全發揮５０個胃既功力，叫左１１樣野全部食清光．．．隔離台ｄ鬼佬鬼婆嚇到ｏｈ　ｍｙ　ｇｏｄ～～
＊冬陰公　＊生蝦　＊咖哩雞　＊Ｔ－ｂｏｎｅ　Ｓｔｅａｋ　＊西冷扒　＊芝士焗龍蝦　＊炭燒龍蝦　＊炭燒生蠔　＊烤墨魚　＊蒜蓉包
真係好飽．．

跟住我地去左見識下人妖酒吧街同陪豪屎公公睇泰拳．問心講ｄ人妖ｄｒｙ睇身裁都幾正，有前有後腳又長．．．最好睇係ｄ鬼佬ｏ係度溝"女"，佢地唔驚溝錯既咩？！？哈哈！！
睇泰拳果時，已經好眼訓．．．

８０個胃的第三天
一早起身食完早餐就梗要嘆下間ｒｅｓｏｒｔ啦！呢度有兩個泳池，我地玩完上面果個，等到豪屎同＋＋起身我地再玩下面果個．．．
４個"挑低能"仲比賽４式游水（嘩呢～）同打丁ｄｕｍ波，真係"近攪笑

"！～！～

下晏去左布吉市，先去Ｂｉｇ　Ｃ　ｆｏｏｄ　ｃｏｕｒｔ食野，行左一陣，跟住就去左"士巴"．
間野門面好正，做ｓｐａ既地方就．．．好有重慶森林ｆｅｅｌ咁囉，即係四周階磚牆，頭頂有風扇，周圍好多電制同插頭果種．
我地挑選左４個套餐，有ｈｏｎｅｙ　ｂｏｄｙ　ｓｃｒｕｐ同Ｔｈａｉ　ｏｉｌ　ｍａｓｓａｇｅ；ｈｏｎｅｙ　ｓｃｒｕｐ唔舒服，不過做完真係好滑，我舔過真係蜜糖黎喎．．ｏｉｌ　ｍａｓｓａｇｅ就仲唔舒服，可能我唔受力，比佢推到好痛，不過訪問過另外三位話ｏｋ喎，我諗係我既問題掛．

最後去左食個日本ｂｕｆｆｅｔ，勁抵，味道可以．
餘興節目係譚生火燒膠碗整ｓａｂｕ　ｓａｂｕ比我地食，真係"挑低能"同"近攪笑"！

１個胃的第四天
出發到ｂａｎｋｏｋ．
１點幾到達再座車到猛鬼酒店（好彩返到香港先知），真係上完天堂直插入地獄（－．－）放低行李即撇！！！
去左小盈子介紹既意大利餐廳食ｌｕｎｃｈ，好好咪呀！！！個香草忌薕青口好正，仲有意式海鮮多士，炒蜆．．樣樣都好ｙｕｍｍｉ（^^）
跟住我地又拎住地圖哨街啦，行黎行去都係ｄ　ｓｈｏｐｐｉｎｇ　ｍａｌｌ，入面全部名牌野，我地要地道野嘛，悶爆！
Ｂａｎｋｏｋ空氣好差．．好熱，一出一入冷氣地方我同＋＋咁就病左，我嘔左成日，＋＋都無咩胃口（＞＜）

我地都食左ｚｅｎ，同埋食海鮮餐，建興就食唔到啦，因為我地去左做腳腳馬沙馳，去到人地要收工唔招呼我地ｌｕ．．

餘興節目係有三隻怪獸意圖買街邊雞腳食（因為有人話ｏ係泰國咁多日都未食過），真係大膽！！同泰國烏蠅黨爭食！！最後知難而退~~

２個胃的第五天
鬼酒店既早餐勁難食（＞＜）

ｌｕｎｃｈ再食泰國菜，個椰青好清甜．．

由於大家都太回咪泰國粉仔喇，去到機場冒住又比人嗌名都要食多一次，ｏｒｄｅｒ連食１５分鐘再跑上機．

我一定會去多一次泰國，因為真係好開心．．好ｒｅｌａｘ．