第三個月

5月2日
琴晚發夢夢見我生左個仔, 但手術室都未出佢已經長大左, 好似有十三'四歲咁, 仲要開始生暗瘡, 問我點算好....
好驚...

5月5日
唐氏報告出左啦, 全部低風險~~~~yeah!!!
好開心好開心好開心呀...放心曬...
擔心左幾日宜家知道無事真係好啦!!

5月8日
老爺幫我買左d燕窩, 蝦米仔有口福啦.

5月12日
今日祥爸爸拎左阿欣比既搖搖椅, 真係幾實用.

我地仲專程請到monchichi做model, 哈哈~~好好笑!!

5月15日
今日去威院第一次checking, 勁多人, 我同++等左成3個鐘. (+.+)
好彩同++一齊去, 無咁悶...
跟住兩條友去左旺角行街, 又估唔到兩個大肚婆咁好精力, 行到8點幾先走, 0係花園街見到好多bb衫仔, 好靚好得意又勁平, 不過我地都忍手無買到, 等知道米米係男定女先買都得啦....呵呵...

5月17日今朝威院打返比我, 話我d血有問題, 要我比個body check report佢地做reference. 話我d血有d問題, 有可能令米米有地中海貧血....
好驚...

聽日要fax祥爸爸既report比佢地睇, 如果祥爸爸無野就可以balance返, 米米就無事...如果唔係.....

哎呀...嚇屎人啦!!!快d聽日啦!!!

5月18日
fax 左report比威院, 佢話ok啦喎...無問題(^c^)

真係一額汗!! thanks god!!
頭先祥爸爸話二姨媽知道左我有左bb, 話左比大表姐知, 佢地之前狂sell我地快d, 因為有好多野比我地, bb床啦, bb車啦, car seat啦...哈哈...太好啦..可以.慳返唔少!

5月26日
今日同智豪督督慶祝生日. 係我有左之後第一次既大型男女混合party. 係屋企果時已經好煩惱著咩衫, 因為我唔想比人話我肥呀嘛...
點知都比阿may話我村姑左, 肥大左一kuy...嗚~~~(><)
你知啦...我地呢D咁貪靚既...梗係唔想比人話架嘛....
不過算啦, 好彩我過左就無野啫...

5月28日
今日係同祥爸爸都唔知幾多週年紀念...
哈哈...我地兩條友都唔記得左.
佢SEND左MESSAGE比我話希望以後我地年年都開開心心.
我REPLY佢話應該係我地"同BB"以後日日都開開心心先岩.

5月29日
琴日我發左一個超恐怖既夢, 我夢見到我同++去左一間好似人地墮胎既診所度檢查, 個女人醫生要囉我地個bb出黎check 下, 佢真係囉左出黎, bb血淋淋一pat野咁. 跟住佢話++果個好好無事, 我果個就無左隻腳. 佢問我仲要唔要..我打比阿祥..喊到tong猪咁, 阿祥安慰我話唔緊要啦..點知佢跌左++個bb落地下, "哎呀"咁叫左一聲. ++就好似無野咁講左句"跌左喎...."